काठमाडौं ।
काठमाडौं । इन्टरनेट सेवा प्रदायक कम्पनी वेभ सर्फरका संचालक मध्येका एक सुरेन्द्र क्षेत्रीलाई प्रहरीले पक्राउ गरेको छ । उनलाई वेभ सर्फर कम्यूनिकेशन प्रालिको शेयर विवादमा प्रहरीले समातेको मिडिया रिपोर्टमा उल्लेख छ ।
काठमाडौं प्रहरी प्रवक्तालाई उल्लेख गर्दै आएको रिपोर्टअनुसार क्षेत्रीलाई महानगरिय प्रहरी परिसर काठमाडौंबाट खटिएको प्रहरी टोलीले तिनकुनेबाट नियन्त्रणमा लिएको हो ।
वेभ सर्फरका संचालक क्षेत्रीसहित उनका तीन दाजुभाई मिलेर बेलायती नागरिक दिनेश भन्ने केपी भिमल नाथनबाट ३२ करोड रुपैयाँ ठगी गरेको आरोप लागेको छ ।
यसअघि पनि क्षेत्रीसहित तीन दाजूभाईलाई काठमाडौं प्रहरीले बोलाएर बेलायती नागरिकको रकम फिर्ता गर्ने सहमति गराएर छोडेको रातोपाटीको रिपोर्टमा उल्लेख छ ।
तीन जना दाजुभाई सुरेन्द्र, सुमन र अन्य एक जना मिलेर वेभ सर्परको शेयर दिने नाममा नक्कली शेयर प्रमाणपत्र बनाएर बेलायती नागरिकलाई दिएर करोडौं रुपैया ठगी गरेको प्रहरीको प्रारम्भिक अनुसन्धानमा खुलेको बताईएको छ ।
प्रकाशित: २५ मंसिर २०७५, मंगलवार
