ओपो आर१७ प्रो डिसेम्बर १५ देखि नेपालमा उपलब्ध हुने, नाइट फोटोग्राफीका लागि उपयुक्त

Technology Khabar २३ मंसिर २०७५, आईतवार

ओपो आर१७ प्रो डिसेम्बर १५ देखि नेपालमा उपलब्ध हुने, नाइट फोटोग्राफीका लागि उपयुक्त
NTC_Advt

काठमाडौं । ओपोले आर सिरिज अन्तरगत नेपालमा ओपो आर१७ प्रो (R17 Pro) सार्वजनिक गर्ने भएको छ । नेपालमा आर१७प्रो को विक्रि क्रिसमस तथा न्यू इयरको अवसर पारेर डिसेम्बर १५मा गरिने कम्पनीले जानकारी दिएको छ ।

आर१७प्रो मार्फत आफ्ना उपभोक्तालाई रातको समयमा पनि उत्कृष्ट तस्विर लिन सघाउने कम्पनीको प्रमुख उद्देश्य रहेको छ । आर१७ प्रोमा रहेको अल्ट्रा नाइट मोडद्वारा प्रचालित ‘सिज द नाइट’ मार्फत थप यूवाहरुको लोकप्रिय स्मार्टफोन बन्ने कम्पनीको भनाई छ ।

गुणस्तरिय फोटोग्राफीका लागि उत्कृष्ट क्यामेरा

उत्पादनमा समाहित प्रविधिका कुरा गर्दा ‘नाइट सुटिङ’ अझै पनि स्मार्टफोन उद्योगका लागि एक प्रमुख चुनौतिका रुपमा विद्यमान छ । विशेषगरी नाईट फोटोग्राफीलाई ध्यानमा राखीओपो आर१७ प्रोमा हार्डवेयर तथा सफ्टवेयर दूवै पक्षमा स्तरोन्नती गरिएको छ ।

आर१७ प्रोमा प्रयोगकर्तालाई उत्कृष्ट गुणस्तरको नाइट फोटो लिन सघाउन सफ्टवेयर लेभल एआई अल्ट्रा क्लियर ईञ्जिनको ब्यवस्था गरिएको छ । फोनमा दिइएको एआई अल्ट्रा–क्लियर ईञ्जिन ओपोको तस्विर परिस्कृत गर्ने प्रविधि हो । यसले हार्डवेयरको सिमा भन्दा माथी उठेर तस्विरको गुणस्तरमा बृद्धि गर्दै उत्कृष्ट नाइट सट्स लिन सघाउँछ ।

ओपो आर१७ प्रोमा एफ१.५/एफ२.४को भ्यारिएबल स्मार्ट एपर्चर दिइएको छ । यसले कम वा अधिक प्रकाश भएका दूबै अवस्थामा तस्विरलाई स्पष्ट र गुणस्तरिय बनाउन स्वचालित रुपमा आफुलाई समायोजन गर्ने क्षमता राख्छ ।

त्यसैगरी फोनमा अप्टिकल ईमेज स्टेबलाइजेशन (ओआईएस) प्रविधि पनि छ । यसले फोनमा उपलब्ध गरिएको ७पी लेन्स मोड्यूलको माध्यमबाट रातको समयमा खिचिने तस्विरलाई उज्यालो बनाउन लामो एक्स्पोजरको प्रयोगकता दौरान तस्विरलाई स्टेबलाइज गर्न सघाउँछ ।

त्यसैगरी, सेन्सरका कुरा गर्दा आर१७ प्रोमा मुख्य क्यामेराका रुपमा सोनी आईएम एक्स३६२ को प्रयोग गरिएको छ । १२ एमपीको यो क्यामेरामा तिब्र र सटिक फोकसिङका लागि डुअल पिक्सेलको ब्यवस्था गरिएको छ । साथै, नोइज लेभलकम गर्न तथा चहकिला नाइट सट्सका लागि फोनमा १.४ माइक्रोन पिक्सेल साइज र १/२.५५ सेन्सर साइजको ब्यवस्था फोनमा रहेको छ ।

ओपो आर१७ प्रोको समग्र हार्डवेयर प्रणालीको डिजाइन नै विशेषगरी नाइट फोटोग्राफीलाई ध्यानमा राखि गरिएको कम्पनीद्धारा जारी विज्ञप्तिमा उल्लेख छ ।

कम्पनीले सो फोन नेपालमा ल्याउने जानकारी दिएपनि कुन कुन भेरिएन्टमा आउने र कति मूल्य पर्ने भने जानकारी दिएको छैन् ।

प्रकाशित: २३ मंसिर २०७५, आईतवार