Technology Khabar २० मंसिर २०७५, बिहीबार
काठमाडौं ।
काठमाडौं । चिनियाँ स्मार्टफोन मेकर कम्पनी ह्वावेको ग्लोबल चीफ फाइनान्सियल अफिसर क्यानाडामा गिरफ्तार भएकी छिन् । क्यानाडाको भ्यानकुभरमा समातिएका ग्लोबल चीफ फाइनान्सियल अफिसर मेन्ग वानझाउ जो कम्पनीको भाइस चेयर्समध्येकी एक हुन र ह्वावेका फाउण्डर रेन झेंगफाईका छोरी पनि हुन ।
डिसेम्बर १ तारिखमा समातिएकी उनलाई शुक्रबार अदातलमा पेश गरिने क्यानाडियन जस्टिस डिपार्टमेन्टले बुधबार पुष्टि गरेको मिडिया रिपोर्टमा उल्लेख छ ।
के हो आरोप ?
विश्वको सबैभन्दा ठूलो टेलिकम्यूनिकेसन्स नेटवर्क उपकरण निर्माता कम्पनीमध्ये एक रहेको ह्वावेले सन् २०१६ देखि नै अमेरिकामा उत्पादित सामानहरु ईरानलगायतका मुलुकहरुमा पठाउँदै आएको अमेरिकी सरकारले आशंका गरेका छन् । उनलाई अमेरिकी निर्यात एवं प्रतिबन्ध कानूनको उल्लंघन गरेको आरोपमा गिरफ्तार गरिएको अनुमान गरिएको छ ।
ह्वावेले पनि उनको गिरफ्तारिको पुष्टि गरेको छ भने क्यानाडामा रहेको चीनको दूतावासले पनि यो गिरफ्तारीको विरोध गरेको छ ।
प्रकाशित: २० मंसिर २०७५, बिहीबार
