ह्याकरले क्वोरा वेबसाइटका १० करोड प्रयोगकर्ताको डेटा चोरे, यसरी सुरक्षित गर्नुस आफ्नो एकाउन्ट

Technology Khabar १८ मंसिर २०७५, मंगलवार

ह्याकरले क्वोरा वेबसाइटका १० करोड प्रयोगकर्ताको डेटा चोरे, यसरी सुरक्षित गर्नुस आफ्नो एकाउन्ट

काठमाडौं ।

काठमाडौं । प्रयोगकर्ताहरुले गरेको प्रश्नको जवाफ दिने लोकप्रिय वेबसाइट ‘क्वोरा (Quora)’ मा साइबर आक्रमण भएको छ । कम्पनीकाअनुसार कुनै खतरनाक तेस्रो पक्षियले त्यसको सिस्टममा अनधिकृतरुपमा पहुँच बनाएर करिब १० करोड प्रयोगकर्ताहरुको डेटा चोरेको छ ।

क्वोराका को फाउण्डर तथा सिईओ एडम डि एंजेलले पोष्ट लेखेर सो साइबर आक्रमको बारेमा जानकारी दिएका हुन् । सो विषयमा जाँच शुरु भएको र आन्तरिक सिक्योरिटी टिमले यो विषयमा काम गरिरहेको उनले बताएका छन् । त्यस्तै एक डिजिटल फरेन्सिक र सिक्योरिटी कम्पनीको पनि सहयोग लिईएको बताए ।

क्वोराकाअनुसार जसको एकाउन्टको सूचनाहरु चोरी भएको छ, त्यसमा प्रयोगकर्ताहरुको नाम, ईमेल ठेगाना, इन्क्रिप्टेड पासवर्ड र लिंक्ड नेटवक्र्स, ईम्पोर्ट गरिएको डेटालगायत छन् । साथै ह्याकरहरुले केहि पब्लिक कन्टेन्ट र आन्सर, अपबोट्स, कमेन्टस र क्वेश्चनहरुमा पनि एक्सेस पाएका थिए ।

कम्पनीकाअनुसार ह्याकबाट प्रभावित सबै यूजर्स एकाउन्टहरु लग आउट गरिरहेको छ । जसले यसभन्दा धेरै क्षति नपुगोस भनेर ।

कम्पनीले क्वोरा प्रयोगकर्ताहरुलाई सुरक्षित हुनका लागि आफ्नो पासवर्ड परिवर्तन गर्नको लागि भनेको छ । साथै यदि यूजर्सले आफ्नो अकाउन्ट डिलिट गर्न चाहन्छन भने आफ्नो अकाउन्ट प्राइभेसी सेटिंग्समा गएर ‘डिलिट अकाउन्ट’ को विकल्प छान्न सक्नेछन् । यहाँ साइटले तपाइँँसँग कन्फर्म गर्नको लागि तपाईले प्रयोग गरिरहेको पासवर्ड माग्दछ ।

यदि तपाईँले गूगल वा फेसबुक प्लग इनको माध्यमबाट आफ्नो अकाउन्ट बनाउनु भएको छ भने तपाईँले ‘चेन्ज पासवर्ड’मा गएर एउटा पासवर्ड जेनेरेट गर्नुपर्दछ र त्यसपछि ‘क्रिएट एन अकाउन्ट पासवर्ड’ मा क्लिक गर्नुहोस् ।

यति गरेपछि तपाईँको क्वोरा अकाउन्ट १४ दिनपछि डिलिट हुनेछ तर फेरी लग इन गरेमा अकाउन्ट पुन रिएक्टिभेट हुनेछ ।

Global Bank
easy care

प्रकाशित: १८ मंसिर २०७५, मंगलवार

ताजा समाचार