सिटीसी मोबाईल हबमा मोबाइल एक्सचेञ्ज मेला, मोबाइल, ल्यापटप, क्यामेरा किस्ताबन्दीमा पाइने

Technology Khabar १८ मंसिर २०७५, मंगलवार

सिटीसी मोबाईल हबमा मोबाइल एक्सचेञ्ज मेला, मोबाइल, ल्यापटप, क्यामेरा किस्ताबन्दीमा पाइने

काठमाडौं । ग्याजेट पारखीहरुले किस्ताबन्दीमा आफुलाई मन परेको मोबाइल, ल्यापटप, क्यामेरा तथा एप्पलका आईफोन, आइप्याड, म्याक लगायतका उत्पादन किस्ताबन्दीमा किन्न पाउने भएका छन् । सिटीसी मल सुन्धारामा रहेको सिटीसी मोबाईल हबले मंसिर २० गतेदेखि सञ्चालन गर्ने मोबाइल तथा ल्यापटप मेलामा यस्तो सुविधा दिने भएको हो ।

मोबाईल एक्सचेञ्ज अफरका साथै एएउटा मोबाइल किन्दा अर्को एउटा सित्तैंमा अफर मेलाको आकर्षण बन्ने मोबाइल हबले जनाएको छ । ९ हजार ९ सय ९९ रुपैंयादेखि २ लाख ३४ हजार रुपैंयासम्मका मोबाइल किन्न सकिने हबमा ११ हजार रुपैंयादेखि ३ लाख १५ हजार रुपैंयासम्मका ल्यापटप, आइप्याड, म्याकबुक लगायतका सामान किन्न सकिन्छ ।

‘मेलामा जस्तो सुकै पुरानो मोबाईलको पनि उचित मुल्य पाउनुका साथै सट्टा पट्टा पनि गर्न सकिन्छ, मेलामा विश्व बजारमा पाईने सबै ब्राण्डका मोबाईल, ल्यापटप, क्यामेरा र म्याक किस्ताबन्दीमा किन्न सकिन्छ,’ सिटीसी मोबाईल हबका प्रबन्धक जीबन श्रेष्ठले भने ।

मेलामा विशेष छुटमा ग्याजेट्स किन्न सकिनेछ । ६० मिनटमा फेस टू फेस मोबाइल मर्मतको सेवा पनि मेलामा पाइने छ । निशुल्क पार्किगंको व्यवस्था गरेको हबले अवलोकनकर्तालाई लक्की ड्रबाट आकर्षक उपहार बितरण गर्ने बताईएको छ ।

मेलामा राखिएको गल्फमा ३ स्कोर गर्नेले मोबाइल किन्दा ५० प्रतिशत छुट पाउने छन् भने ४ स्कोर गर्नेले आफुले खरिद गरेको अर्को एउटा सामान सित्तैंमा पाउने छन् । मंसिर २० गतेदेखि सुरु हुने मेला १५ दिनसम्म चल्नेछ ।

सामसङ, ब्ल्याकबेरी, ओप्पो, भीभो, वानप्लस, नोकिया, कलर्स, सोनी, एप्पल, कुलप्याड, लेनोभो, ह्वावे ब्राण्डका मोबाइलका साथै एचपी, लेनोभो, एमआइ, डेल र एप्पलका ल्यापटप, म्याकबुक, आईप्याड उपलब्ध रहेको कम्पनीले जनाएको छ ।

TK Viber

प्रकाशित: १८ मंसिर २०७५, मंगलवार

Loading...