Technology Khabar १० मंसिर २०७५, सोमबार
काठमाडौं ।
काठमाडौं । नबिल बैंकले व्यक्तिगत बचत खाता ग्राहक वर्गको हितलाई मध्यनजर गर्दै मेटलाईफ बीमा कम्पनिसगंको सहकार्यमा ३ लाख रुपैयाँसम्मको घातक रोग बीमा तथा ७५ हजार रुपैयाँको मृत्यू लाभ वीमा गरिदिने योजना ल्याएको छ ।
यो योजना मंसिर ९ गते देखि लागू हुने गरी नबिल बैंकको तर्फबाट बैंकका डेपुटि जेनेरल मेनेजर रमेश प्रसाद लोहनी र मेटलाईफ वीमा कम्पनीको तर्फबाट प्रमुख संचालन अधिकृत राम कुमार यादव बीच सम्झौता भएको छ ।
नबिल बैंकले सो बारेमा पत्रकार सम्मेलनमार्फत जानकारी दिएको छ ।
बैंकले दैनिक मौज्दात २५ हजार रुपैयाँ वा वढि राख्ने जुनसुकै प्रकारका नेपाली मुद्राका व्यक्तिगत बचत खातावालाहरुलाई १३ वटा घातक रोगहरुको उपचाराथ ३ लाख रुपैयाँसम्मको को वीमा गरेको छ ।
१३ वटा मध्ये कुनै पनि घातक रोग लागेको निवेदन उपर निदानसहितको आवश्यक प्रमाण पूरा भएको अवस्थामा ३ लाख रुपैयाँसम्मको वीमा रकम तत्काल भुक्तानी हुने बैंकका प्रमु कार्यकारी अधिकृत अनिल केशरी शाहले बताए । बचतकर्ताको अन्य कारणले निधन भएमा ७५ हजार रुपैयाँका वीमांक रकम समेत यो योजनाले सुरक्षित गरेको उनले स्पष्ट पारे ।
घातक रोग लागेर निधन भएमा जम्मा वीमा रकम ३ लाख ७५ हजार रुपैयाँको सुरक्षण हुनेछ ।
बैंकले यस योजना अन्तर्गत मंसिµ ८ गतेका दिन २५ हजार रुपैया वा वढि मौज्दात रहेका आफ्ना सम्पूर्ण योग्य व्यक्तिगत बचत खाता ग्राहकवर्गको वीमा गरिसकेको छ । यो योजनामा सामेल भईरहन बचतकर्ताले रु. २५,०००/– वा वढि मौज्दात कुनै पनि नेपाली महिनाको शुरुवात देखी मसान्त सम्म कायम राख्नु पर्नेछ । यस्ता ग्राहकहरुको हकमा घातक रोग वीमा र मृत्यू लाभ वीमा यो योजनामा सामिल भएको मितिबाट लागु हुने बैंकले जनाएको छ ।
यो यो योजना लागु भए पश्चात नयाँ व्यक्तिगत बचत खाता खोल्ने ग्राहकहरुको हकमा पनि लागू हुने बैंकले उल्लेख गरेको छ ।योजनामा सामिल हुन व्यक्तिगत बचत खाता ग्राहकहरुको उमेर योजनामा सामिल हुंदाको समयमा १६ वर्ष पूरा भई ६५ वर्ष नपुगेकोे हुनु पर्नेछ ।
प्रकाशित: १० मंसिर २०७५, सोमबार
