ईकमर्श साइट दराज डटकमले ‘सेल डे’ मनाउँदै, नोभेम्बर ११ तारिखमा सबैभन्दा ठूलो सेल गरिने

Technology Khabar ११ कार्तिक २०७५, आईतवार

ईकमर्श साइट दराज डटकमले ‘सेल डे’ मनाउँदै, नोभेम्बर ११ तारिखमा सबैभन्दा ठूलो सेल गरिने
Classic Tech

काठमाडौँ । ईकमर्श साइट दराज डटकमले सेल डे आयोजना गर्ने भएको छ । कम्पनीले यहि नोभेम्बर ११ तारिखमा विश्वभर मनाईँदै आएको ‘वल्र्डस विगेस्ट सेल डे’ नेपालमा पनि आयोजना गर्न लागेको हो ।

दराजले आईतवार पत्रकार सम्मेलन गर्दै सो दिन दराज डटकममार्फत अत्यधिक छुटमार्फत सामाग्रीहरु तथा सेवाहरु बिक्री गरिने जानकारी दिएको छ । कम्पनीका प्रबन्ध निर्देशक राजिव अमात्यले यसअघि आयोजना गर्दै आएको ब्ल्याक फ्राईडेको विकल्पको रुपमा सेल डे आयोजना गरिने जानकारी दिए ।

यसअघि हामीले ब्ल्याक फ्राईडे मनाउँदै आएका थियौं, तर यो वर्षदेखि हामी नोभेम्बर ११ तारिखमा सेल डे आयोजना गरेर मनाउने छौं,’ प्रबन्ध निर्देशक अमात्यले भने ।

उनले कम्पनीले नयाँ अवधारणाअन्तरगत बिक्रेताहरुलाई थप जिम्मेबार बनाएको भन्दै ग्राहकहरुको सुविधाको लागि दराज हबहरु स्थापना गरिएको बताए । चिनियाँ कम्पनी अलिबाबाले दराजको मूख्य कम्पनीलाई खरिद गरेपछि यसअघिको रणनीति परिवर्तन गर्दै ११ः११ सेल डे मनाउन लागिएको उनको भनाई थियो ।

नोभेम्बर ११ तारिख अर्थात कात्तिक २५ गते आयोजना हुने सो सेल डेमा कम्पनीले १ लाख भन्दा बढि माग आउने अपेक्षा गरेको छ भने माग गरिएका सामाग्रीहरुको ढुवानीको लागि पनि विभिन्न सिपिंग कम्पनीहरुलाई तयारी अवस्थामा राखिएको जनाएको छ ।

सो दिन ग्राहकहरुले ठूलो छुट अफर, फ्ल्यास सेल्स, ब्राण्ड भौचरहरु, मिस्ट्री बक्स, र अन्य उपहारहरु प्राप्त गर्ने कम्पनीले उल्लेख गरेको छ ।

TK Viber

प्रकाशित: ११ कार्तिक २०७५, आईतवार

Loading...