शाओमीको नयाँ स्मार्टफोन ‘मि मिक्स ३’ आउँदै, फाइभ जी सपोर्ट गर्ने पहिलो स्मार्टफोन

काठमाडौं ।

काठमाडौँ । चिनियाँ टेक कम्पनी शाओमीले नयाँ स्मार्टफोन मि मिक्स थ्री (Mi Mix 3) सार्वजनिक गर्ने भएको छ । कम्पनीले यहि अक्टोबर २५ तारिखमा चीनमा एक कार्यक्रमका बिच नयाँ स्मार्टफोन सार्वजनिक गर्न लागेको पुष्टि गरेको छ ।

कम्पनीका प्रवक्ता तथा डाइरेक्टर अफ प्रोडक्ट म्यानेजर डोनोवन सुंगले हालै शाओमीकोे मि मिक्स ३ स्मार्टफोनको दुई छुट्टा छुट्टै तस्वीरहरु ‘टीज’ गरेका छन् । यसमध्ये एक तस्विरकाअनुसार फोन विचिन्न चार कलरमा उपलब्ध हुनेछ भने यसमा क्वालकम स्न्यापड्रागन ८४५ चीपसेट प्रयोग हुनेछ ।

शाओमीको सो स्मार्टफोनमा ६.४ इन्चको डिस्प्ले हरनेछ भने स्क्रीन टू बडि रेशियो १०० प्रतिशत हुनेछ ।

फोनमा इन स्क्रीन फिंगरप्रिन्ट स्क्यानर राखिनेछ भने फोनमा ड्यूल रियर क्यामरा हुनेछ । मि मिक्स ३ स्मार्टफोनमा १६ मेगापिक्सेल प्लस १३ मेगापिक्सेलको मूख्य क्यामरा राखिने छ भने सेल्फीका लागि २० मेगापिक्सेलको फ्रन्ट क्यामरा हुनेछ ।

यो स्मार्टफोन ६ जीबी र ८ जीबी र्यामको भेरिएन्टमा आउनेछ । त्यसैगरि यो स्मार्टफोन शाओमीको पहिलो फाइभ जी सपोर्ट गर्ने स्मार्टफोन हुनेछ । सो फोन १० जीबी र्यामसहित आउने विभिन्न चर्चाहरु रहेका छन् । फाइभ जी भने सन् २०१९ को अन्त्यसम्ममा विकसित मुलुकहरुले विकास गर्ने अपेक्षा राखिएको हुँदा यो फोन त्यसबेला निकै उपयोगी हुनेछ ।

शाओमीको नयाँ स्मार्टफोनको मूल्यको बारेमा पनि रिपोर्टमा उल्लेख छ, जसअनुसार ६ जीबी र्याम र ६४ जीबी स्टोरेजको मूल्य करिब ३३९९ चिनियाँ युआन हुने अनुमान छ ।