नेट टिभिले दशैंमा ल्यायो ‘एकमा अर्को एक सित्तैमा’ अफर, मोबाइलबाटै दशैंमा सिनेमा हेर्न सकिने

Technology Khabar २५ आश्विन २०७५, बिहीबार

नेट टिभिले दशैंमा ल्यायो ‘एकमा अर्को एक सित्तैमा’ अफर, मोबाइलबाटै दशैंमा सिनेमा हेर्न सकिने
Classic Tech

काठमाडौं । नेपालको पहिलो लाइभ टेलिभिजन एप नेट टिभी मोबाइल एपले दशैं अफर सार्वजनिक गरेको छ । एनआईटिभी कर्पोरेशनको लगानी रहेको नेटटिभी गुगल प्लेस्टोर र एप्पलको एप स्टोरमा उपलब्ध छ ।

नेट टिभीले दशैंको अवसर पारेर “चाडपर्वको लहर नेट टिभीको एकमा एक अफर” ल्याएको छ । अफरअनुसार एक महिनाको प्रिमियम प्याकको खरीदमा अर्को एक महिना सित्तैमा टिभी हेर्न पाइनेछ ।

मोबाइल फोनमा जहाँ र जहिलेसुकै सजिलै नेपाली, हिन्दी, अंग्रेजी तथा अन्य भाषाका टेलिभिजनहरु प्रत्यक्ष हेर्न सकिने नेट टिभीले दशैंको अवसर पारेर नेपाली, हिन्दी र अंग्रेजी चलचित्रहरु प्रदर्शन गराउने भएको छ । २४ रुपैयाँ ९९ पैसादेखि नेपाली, हिन्दी र अंग्रेजी चलचित्रहरुको मज्जा सेवाग्राहीले नेट टिभीको एपमा लिन सक्नेछन् ।

यसबाट लाइभ स्ट्रिमिङ, चलचित्र, गीतलगायत १५० बढी च्यानलहरु एकै स्थानमा हेर्न सकिन्छ । नेट टिभी न्यू आइटी भेञ्चरले सार्वजनिक गरेको हो ।

न्यु आइटी भेञ्चर कर्पोरेशनले टेलीकोस, आईएसपी, आतिथ्य र प्रसारणकर्ताको इन्ड टु इन्ड आईपीटीभी र ओटीटीको साथै मोबाइल टिभीको प्लेटफर्म प्रदान गर्ने कम्पनीले जनाएको छ ।

प्रकाशित: २५ आश्विन २०७५, बिहीबार

Comments are closed.

Loading...