फेसबुकको पहिलो हार्डवेयर डिभाइस आयो, भिडियो च्याटका लागि स्मार्ट स्पिकर ‘पोर्टल’

Technology Khabar २२ आश्विन २०७५, सोमबार

फेसबुकको पहिलो हार्डवेयर डिभाइस आयो, भिडियो च्याटका लागि स्मार्ट स्पिकर ‘पोर्टल’
Classic Tech
Nepal Telecom

काठमाडौँ । फेसबुक प्रयोगकर्ताहरुलाई ध्यानमा राखेर फेसुबकले आफ्नो पहिलो हार्डवेयर उत्पादन सार्वजनिक गरेको छ । कम्पनीले स्मार्ट स्पिकर सार्वजनिक गरेको छ, जसको माध्यमबाट भिडियो कल गर्न सहज हुनेछ ।

यसअघि नै बजारमा रहेका अमेजन र गूगलसँग कम्पनीले प्रतिस्पर्धा गर्ने गरि स्मार्ट स्पिकर निकालेको हो ।

फेसबुकको भिडियो कलिंग डिभाइसलाई ‘पोर्टल'(Portal) नाम दिईएको छ जून दुई मोडलमा बजारमा उपलब्ध हुनेछ । यो डिभाइस १९९ अमेरिकी डलर र ३४९ अमेरिकी डलरमा किन्न पाईनेछ । यसमा वाइड एंगल क्यामरा राखिएको छ जसले यूजरहरु कोठामा यताउता हिँड्दा पनि अटोमेटिक तरिकाले फोकस गर्ने बताईएको छ ।

पोर्टलका दुई मोडल मध्ये एउटा १० इन्चको छ भने अर्को १५.६ इन्चको रहेको छ । यी दुबैमा हाईफाई अडियो पोर्टल प्लस प्रयोग गरिएको छ भने यसमा ‘हे पोर्टल’ भ्वाइस नेभिगेसन राखिएको छ । यो डिभाइस विशेषगरि फेसबुक म्यासेन्जरमा फ्यामिली भिडियो कलिंग, स्पोटीफाई, र पाण्डोरा प्रयोग गर्न सकिन्छ भने भ्वाइसद्धारा कन्ट्रोल गर्न सकिने गित तथा भिडियोहरु समेत हेर्न सकिने बताईएको छ ।

यी डिभाइस अमेरिकी बजारमा नोभेम्बरदेखि उपलब्ध हुनेछ, तर अन्य बजारको बारेमा भने उल्लेख छैन् ।

पोर्टलमा पासकोड प्रयोग गरेर लक गर्न सकिन्छ र यसको माइक्रोफोन र क्यामरालाई बटन थिचेर अफ गर्न सकिन्छ । यसको भिडियो र भ्वाइस कल इन्क्रिप्ट गरिएको छ भने यसका कन्टेन्टहरु स्टोर नहुने कम्पनीले जानकारी दिएको छ ।

यो गूगलको एन्ड्रोयड मोबाइल अपरेटिंग सिस्टममा आधारित रहेको छ जसले अमेजनको एलेक्सा भ्वाइस असिस्ट्यान्टसँग सहकार्य गर्दछ ।

फेसबुकले अन्य प्रतिस्पर्धीहरुसँग कडा प्रतिस्पर्धा गर्नुपरे पनि अरु स्मार्ट स्पिकरमा टचस्क्रीन डिस्प्ले नभएको हुँदा त्यसले ग्राहकहरुलाई आकर्षित गर्ने अनुमान गरिएको छ ।

एजेन्सी

TK Viber

प्रकाशित: २२ आश्विन २०७५, सोमबार

Loading...