Technology Khabar १५ आश्विन २०७५, सोमबार
काठमाडौं ।
काठमाडौं । विराटनगर महानगरपालिकाका केहि क्षेत्रमा यही असोज १२ गतेदेखि टेलिफोन सेवा अवरुद्ध भएको छ ।
शनिमन्दिरदेखि केशल्या जान निर्माण भइरहेको ६ लेनको बाटोमा नाला बनाउने क्रममा भूमिगत अप्टिकल फाइवर लाइन ध्वस्त भएपछि टेलिफोन अवरुद्ध भएको नेपाल टेलिकम कार्यालय विराटनगरमा प्राविधिक अधिकृत बच्चुराज खतिवडाले जानकारी दिए ।
नाला बनाउने क्रममा ३०० लाइन र ९०० लाइनका दुई संरचना ध्वस्त भएकाले सो क्षेत्रमा बितरित ७०० टेलिफोन अवरुद्ध भएको प्राविधिक खतिवडाले बताए ।
प्राविधिक खतिवडाले ध्वस्त संरचना तयार गर्न लगभग दुई महिना लाग्ने जानकारी दिए ।
प्रकाशित: १५ आश्विन २०७५, सोमबार
