मोबाइल फोनमा लगातार ३० मिनेट भन्दा बढि कुरा गर्दा ब्रेन ट्यूमरको खतरा

Technology Khabar १५ आश्विन २०७५, सोमबार

मोबाइल फोनमा लगातार ३० मिनेट भन्दा बढि  कुरा गर्दा ब्रेन ट्यूमरको खतरा
Classic Tech

काठमाडौँ । स्मार्टफोन यस्तो ग्याजेट हो जून हरेकले प्रयोग गर्ने गर्दछन् । अधिकांशलाई स्मार्टफोन नहुँदा केहि कमी भएको महसुश समेत हुने गर्दछ । स्मार्टफोनको प्रयोग र यसको आवश्यकताले मानिसको दैनिकी नै परिवर्तन गरिदिएको छ । तर स्मार्टफोन प्रयोगको अधिक लतले गर्दा तपाईँको जीवनमा खतरा समेत उत्पन्न हुनसक्दछ । अधिकांश स्मार्टफोन प्रयोगकर्ताहरुलाई स्मार्टफोनको नकारात्मक प्रभाव र असरको बारेमा थाहा नहुन सक्दछ तर स्मार्टफोनको अधिक प्रयोगले तपाईँको ज्यान लिन सक्दछ ।

स्मार्टफोनको प्रयोगले कयौं नकारात्मक प्रभाव देखाउँछ, जसमा आँखामा असर पर्ने, रात भर निन्द्रा नआउने, ग्याजेट एडिक्सन र अन्य विषयहरु । तर यो भन्दा पनि बढि खतराको विषय भनेको तपाईँको जीवन नै जान सक्दछ । यदि तपाईँले स्मार्टफोनलाई कानमा लगाएर लगातार आधा घण्टासम्म कुरा गर्नुहुन्छ भने १० वर्षपछि तपाईँलाई ब्रेन ट्यूमर हुने आशंका दोब्बर बढि हुन्छ ।

हालै भारतको आईआईटीको प्रोफेसर गिरीश कुमारले गरेको अध्ययन, अनुसन्धानको आधारमा उनले दाबी गरेका हुन् ।

‘मैले कयौं ईएनटी विशेषज्ञहरुसँग कुराकानी गरेर अध्ययन रिपोर्ट प्रकाशित गरेको छु,’ उनले भने ।

अध्ययनमा यो विषयको पनि दाबी गरिएको छ कि बहिरोपन र ब्रेन ट्यूमरको बिरामीहरुको संख्या बढिरहेको छ । ताजा सर्वेक्षणमा अधिकांश मानिसहरुले यो विश्वास गरेका छन कि लामो समयसम्म मोबाइलमा कुराकानी गर्दा कान तात्ने गर्दछ ।

२० देखि ३० मिनेटसम्म मोबाइलमा कुराकानी गर्दा माइक्रोवेभ रेडिएशन शरीरमा प्रवेश गर्दछ, जसले गर्दा कानको लोती अर्थात ईयर लोबको रगत तात्दछ । यसले रगतको तापमानमा १ डिग्री सेल्सियसको वृद्धि हुन्छ ।

अनुसन्धानकर्ता गिरीश कुमारका अनुसार, फोनमा आधा घण्टाभन्दा लामो अवधिसम्म लगातार कुरा गर्दा टाउको दुख्ने समस्या देखा पर्दछ । यसपछ ब्रेन ट्यूमरको अन्तिम चरणको लक्षण देखा पर्दछ ।

यसअघि गरिएका विभिन्न अन्तराष्ट्रिय अध्ययन अनुसन्धानमा पनि ३० मिनेट भन्दा बढि स्मार्टफोनमा लगातार कुराकानी गर्दा ब्रेन क्यान्सर नै हुनसक्ने खतरा औंल्याईएको छ।

TK Viber

प्रकाशित: १५ आश्विन २०७५, सोमबार

Loading...