Technology Khabar ११ आश्विन २०७५, बिहीबार
काठमाडौं ।
काठमाडौँ । सर्च इन्जिन गूगलले (Google) बिहिबारबाट २० वर्ष पुरा गरेको छ । कम्पनीले आज आफ्नो २० औं जन्मदिन मनाईरहेको छ ।
जन्मोत्सवको अवसर पारेर गूगलले सर्च इन्जिन पेजमा विशेष डूडल तयार पारेको छ । जसले गूगलको २० वर्षे यात्राको बारेमा जानकारी दिन्छ ।
डूडलमा विशेषगरि यो २० वर्षमा कम्पनीले कसरी विश्वको विभिन्न भाषाहरुमा प्रयोगकर्ताहरुको आवश्यकता र उनीहरुको जिज्ञासालाई समाधान गर्ने प्रयास गर्यो भनेर देखाईएको छ।
सो डूडलको अन्त्यमा गूगलले आफ्नो यूजर्सहरुलाई २० वर्षसम्म गरेको सहयोग र समर्थनको लागि धन्यवाद समेत दिएको छ ।
गूगल दुई अमेरिकी छात्रहरुले कलेज प्रोजेक्ट वर्कको रुपमा शुरुवात गरेका थिए र पछि यो विश्वभर चर्चित हुन पुग्यो ।
प्रकाशित: ११ आश्विन २०७५, बिहीबार