सामसंग ग्यालेक्सी एस १० को तयारीमा, नयाँ फोनमा इन डिस्प्ले फिंगरप्रिन्ट सेन्सर

Technology Khabar २६ भाद्र २०७५, मंगलवार

सामसंग ग्यालेक्सी एस १० को तयारीमा, नयाँ फोनमा इन डिस्प्ले फिंगरप्रिन्ट सेन्सर

काठमाडौं । सामसंगले अगस्तमा आफ्नो नयाँ स्मार्टफोन ग्यालेक्सी नोट नाइन (Galaxy Note 9) सार्वजनिक गरेको थियो । नयाँ फोन सार्वजनिक गरेको करिब एक महिनाभित्रै कम्पनीले अर्को वर्ष ल्याउने संभावना भएको स्मार्टफोन ग्यालेक्सी एस १० (Galaxy S10)को बारेमा नयाँ जानकारीहरु आउन शुरु भएको छ ।

कम्पनीले सन् २०१९ को शुरुवातमा नै नयाँ फोन सार्वजनिक गर्ने चर्चा रहेको छ जसमा नविनतम र अत्याधुनिक प्रविधि प्रयोग गरिने छ ।

ग्यालेक्सी एस १० मा सामसंगको आफ्नै फिंगरप्रिन्ट अथेन्टिकेशन टेक्नोलोजी प्रयोग गर्ने रिपोर्टहरु आएको थियो तर अब भने कम्पनीले सो स्मार्टफोनमा क्वालकमको प्रविधि प्रयोग गर्ने रिपोर्ट आएको छ ।

नयाँ रिपोर्टहरुकाअनुसार कम्पनीले क्वालकमको अल्ट्रासोनिक इन डिस्प्ले फिंगरप्रिन्ट सेन्सर राख्नेछ । यो प्रविधि क्वालकमको थर्ड जेनेरेशन सेन्स आईडी हो । यो नयाँ प्रविधिलाई कम्पनीले सन् २०१५ मा सार्वजनिक गरेको थियो ।

सामसंगले यो टेक्नोलोजी उपलब्ध गराउनुका साथै क्वालकमको ताइवानमा रहेको कम्पोनेन्ट सप्लायर कम्पनी जनरल इन्टरफेस सोल्यूशनसँग पनि काम गरिरहेको छ ।

सन् २०१५ मा सार्वजनिक भएको सेन्स आईडी प्रविधिमा क्वालकमले कयौं परिवर्तनका साथै प्रविधिहरु थप गरिरहेको छ ।

सामसंगले नयाँ स्मार्टफोन ग्यालेक्सी एस १० आगामी मोबाइल वल्र्ड कंग्रेसमा सार्वजनिक गर्ने अनुमान गरिएको छ । जसमा ट्रिपल क्यामरा सेटअप र बेजेल लेस डिजाइन हुने अपेक्षा गरिएको छ ।

प्रकाशित: २६ भाद्र २०७५, मंगलवार

Comments are closed.

Loading...