Technology Khabar २१ भाद्र २०७५, बिहीबार
काठमाडौं ।
काठमाडौं । एप्पलले यहि सेप्टेम्बर १२ तारिखमा नयाँ आइफोन सार्वजनिक गर्दैछ । कम्पनीले यो वर्ष तीन वटा संस्करणमा नयाँ आइफोनहरु सार्वजनिक गर्नसक्ने रिपोर्टहरु आईरहेका छन्, जसमा सस्तो मोडलको आईफोन पनि हुने अनुमान गरिएको छ ।
कम्पनीले अहिलेको आइफोन एटको अपग्रेडको रुपमा दुईवटा नयाँ आइफोन ल्याउने र अर्को सस्तो मोडलको रुपमा आइफोन ल्याउने अनुमान छ ।
कम्पनीले ल्याउने सस्तो मोडलमा ६.१ इन्चको एलसिडी डिस्प्ले हुनेछ भने अन्य दुई आइफोनहरुमध्ये ५.८ इन्चको आइफोन एक्स एस र ६.५ इन्चको आइफोन एक्स म्याक्स नाममा आउनसक्नेछ । सस्तो आइफोनको नाम अहिलेसम्म स्पष्ट भएको छैन तर संभवत यसलाई आइफोन नाइनको नामबाट कम्पनीले लन्च गर्नसक्नेछ ।
कम्पनीले ६.१ इन्चको आइफोनलाई बजेट आइफोनको रुपमा सार्वजनिक गर्नेछ, जून धेरै कलर अप्सनहरुमा उपलब्ध हुनेछ ।
एप्पलले ल्याउने बजेट आइफोनमा एउटा मात्र रियर क्यामरा हुनेछ भने यो फोनमा ड्यूल सिम सपोर्ट हुने बताईएको छ । ड्यूल सिम आइफोन भने चीनको लागि मात्र बनाईने रिपोर्टहरुमा उल्लेख छ ।
हालै यहि बजेट आइफोनको नयाँ फोटो लीक भएको छ, जसमा रेड, ब्लू र ह्वाइट कलर अप्सनसहितको आइफोन देखिएको छ ।
सस्तो आइफोन विश्व बजारमा करिब ६९९ अमेरिकी डलर मूल्यबाट शुरु हुने बताईएको छ । त्यस्तै आइफोन एक्स एसको मूल्य करिब ८०० अमेरिकी डलर तथा आइफोन एक्स एस म्याक्सको मूल्य ९९९ अमेरिकी डलर हुनसक्ने अनुमान गरिएको छ ।
[poll id=”7″]
प्रकाशित: २१ भाद्र २०७५, बिहीबार