Technology Khabar १५ भाद्र २०७५, शुक्रबार
काठमाडौं ।
काठमाडौं । अमेरिकी ट्रिलियन डलर टेक कम्पनी एप्पलले नयाँ आईफोन सार्वजनिक गर्ने मिति तय गरेको छ । कम्पनीले मिडियालाई निम्तो पठाउँदै यहि सेप्टेम्बर १२ तारिखमा नयाँ उत्पादनहरु सार्वजनिक गर्ने तयारी गरेको हो ।
एप्पलले सेप्टेम्बर १२ तारिख नेपाली समयअनुसार राती ११ः४५ मा नयाँ उत्पादनहरु सार्वजनिक गर्नेछ ।
कम्पनीले यो इभेन्टमा नयाँ आइफोन लन्च गर्नेछ, जसमा तीन वटा नयाँ संस्करणहरु आउने अपेक्षा गरिएको छ । कम्पनीले यसमा ५.८ इन्चको आइफोन, ६.१ इन्च र ६.५ इन्चको डिस्प्लेसहितको नयाँ आइफोन ल्याउनेछ ।
५.८ इन्च र ६.५ इन्चको नयाँ आइफोन मोडल गत वर्ष सार्वजनिक आइफोन एक्सको अपग्रेड भर्सन हुने अनुमान गरिएको छ, जसमध्ये ५.८ इन्चलाई आइफोन एक्स एस I (iPhone Xs) भनिनेछ भने अर्कोलाई आइफोन एक्स प्लस (iPhone X Plus) भनिनेछ ।
त्यस्तै ६.१ इन्चको आइफोन सस्तो तथा इन्ट्रि लेभलको आइफोनको रुपमा आउनेछ । यो मोडल विभिन्न कलर अप्सनमा उपलब्ध हुनेछ ।
त्यस्तै एप्पलले वाच सिरिज फोर पनि सार्वजनिक गर्ने चर्चा रहेको छ । जसमा नयाँ डिजाइनमा ध्यान दिईएको छ भने स्क्रीन साइज केहि ठूलो छ । त्यस्तै यसमा हर्ट रेट डिटेक्सनलाई थप सुधार गरिएको छ ।
कम्पनीले नयाँ आइप्याडहरु पनि इभेन्टमा ल्याउने अनुमान गरिएको छ । नयाँ आइप्याडमा फेस आइडी राखिने छ भने होम बटन हटाईने छ । नयाँ मोडल १०.५ इन्च, १२.९ इन्च र ११ इन्चको डिस्प्लेसहितको हुनेछ ।
कम्पनीले सेप्टेम्बर १२ तारिखमा नयाँ म्याक अपडेट गर्ने संभावना रहेको छ । जसमा रेटिना डिस्प्लेसहितको म्याकबुक एयरलाई प्रतिस्थापन गर्नेछ । म्याक मिनीमा थप स्पेशिफिकेसन हुनेछन् । र अन्य मोडलहरुमा पनि केहि सुधार हुने अनुमान छ ।
प्रकाशित: १५ भाद्र २०७५, शुक्रबार
