सामाजिक संजाल फेसबुकमा नेपालीहरुले स्पेनिस ला लिगा निशुल्क हेर्न पाउने

Technology Khabar २९ श्रावण २०७५, मंगलवार

सामाजिक संजाल फेसबुकमा नेपालीहरुले स्पेनिस ला लिगा निशुल्क हेर्न पाउने
Classic Tech
Nepal Telecom

काठमाडौं । अब नेपालीहरुले फेसबुकमा ला लिगाका सबै खेलहरु निशुल्क हेर्न पाउने भएका छन् । स्पेनिस टप फुटबल डिभिजन लिग ला लिगाले मंगलबार फेसबुकसँग डिल गरेको घोषणा गरेको छ । कम्पनीले फेसबुकसँग दक्षिण एशियाली मुलुकहरुमा प्रत्येक खेलहरु निशुल्क हेर्न पाउने सम्झौता गरेको छ ।

सम्झौतापछि ला लिगाका आगामी तीन सिजनका सबै खेलहरु सामाजिक संजालमा निशुल्क हेर्न पाईने भएको हो ।

ला लिगाकाअनुसार यहि शुक्रबारदेखि शुरु हुने नयाँ सिजनका सबै ३८० लिग म्याचहरु नेपालसहित भारत, अफगानिस्तान, बंगलादेश, भुटान, माल्दिभ्स, श्रीलंका र पाकिस्तानमा दर्शकहरुका लागि उपलब्ध हुनेछ ।

‘भारतीय उपमहाद्धिप जस्तो महत्वपूर्ण क्षेत्रमा निशुल्क हेर्न दिँदा हामी निकै खुशी भएका छौं,’ ला लिगाका डिजिटल स्ट्राटेजी हेड अल्फ्रेडो बर्मेजोले भने ।

भारतमा रहेको २७० मिलियन फेसबुक प्रयोगकर्ताहरु निकै महत्वपूर्ण भएको उनको भनाई थियो ।

यो सम्झौता कति रुपैयाँमा भएकोभन्ने बारेमा दुबै पक्षले कुनै उल्लेख गरेका छैनन् ।

स्पेनिस फुटबल लिग ला लिगाका खेलहरु भारतीय उपमहाद्धिपमा सोनी पिक्सर्च नेटवर्कले प्रदर्शनको अधिकार लिएको छ । सोनीले सन् २०१४ देखि २०१८ सम्मका लागि ३२ मिलियन डलरमा अधिकार किनेको थियो ।

फेसबुकले सन् २०१७ देखि मेजर लिग बेसबल गेमहरु साप्ताहिकरुपमा प्रशारण गरेर स्पोर्टस स्ट्रिमिंग शुरु गरेको थियो ।

फेसबुकका ग्लोबल लाइभ स्पोर्टस निर्देशक पिटर ह्यूटनले ला लिगासँगको डिस एउटा परिक्षणको रुपमा व्याख्या गरे ।

स्रोत

TK Viber

प्रकाशित: २९ श्रावण २०७५, मंगलवार

Loading...