Technology Khabar २८ श्रावण २०७५, सोमबार
काठमाडौं ।
काठमाडौं । सामसंगले हालै विश्व बजारमा सार्वजनिक गरेको ग्यालेक्सी नोट नाइन (Galaxy Note 9)नेपाली बजारमा पनि उपलब्ध हुने भएको छ ।
कम्पनीले नेपाली बजारमा यो फोन लन्च गर्ने तयारी यसअघि नै शुरु गरिसकेको छ ।
सामसंग ग्यालेक्सी नोट नाइन हाल अमेरिकी, भारतीय बजारमा प्रि-बुकका लागि उपलब्ध छ भने छिमेकी मुलुक भारतमा पनि छिटै सार्वजनिक हुँदैछ । भारतीय बजारमा यो फोन अगस्त २२ तारिखमा उपलब्ध हुने जानकारी यसअघि नै आईसकेको छ । कम्पनीले हाल प्रि-बुकिंग गरिरहेको छ भने प्रि बुकिंग गर्नेहरुलाई विभिन्न अफर पनि दिएको छ ।
सामसंगले नेपाली बजारमा भने त्यसपछिमात्र नोट नाइन उपलब्ध गराउने छ । कम्पनीसँग नजिक स्रोतले ग्यालेक्सी नोट नाइन अगस्त २३ देखि अगस्त २५ को बिचमा नेपालमा सार्वजनिक हुने जानकारी दिएको छ ।
स्रोतकाअनुसार नोट नाइनको प्रि-बुकिंग छिटै खुल्ने छ भने विभिन्न अफरहरु पनि साथमा उपलब्ध गराउने छ ।
कम्पनीले नेपाली बजारमा १२८ जीबी आन्तरिक स्टोरेज भएको नोट नाइन ल्याउने छ जसमा ६ जीबी र्याम हुनेछ । तर अर्को भेरिएन्ट ८ जीबी र्याम र ५१२ जीबी स्टोरेजको फोन नेपालमा आउँछ वा आउँदैन भन्ने केहि जानकारी छैन् ।
कति पर्ला मूल्य
हाल नेपाली बजारमा आउने १२८ जीबी भेरिएन्टको नोट नाइनको मूल्य बाहिर आएको छैन् । तर यसको मूल्य १ लाख भन्दा केहि माथि हुनेछ । यसअघि गत वर्ष सार्वजनिक भएको ग्यालेक्सी नोट एटको मूल्य १ लाख ३ हजार रुपैयाँ रहेको थियो ।
‘नोट नाइनको मूल्य बाहिर आएको छैन तर पनि १ लाख १० हजार जति पर्न सक्छ,’ कम्पनी सम्बद्ध स्रोतले भन्यो ।
गत वर्षको नोट एटको मूल्य र छिमेकी मुलुक भारतमा नोट नाइनको तोकिएको मूल्य हेर्ने हो भने नेपाली बजारमा नोट नाइनको मूल्य १ लाख ८ हजारको हाराहारीमा हुने अनुमान गर्न सकिन्छ । यस बारेमा थप जानकारी भएमा हामी तपाईँलाई दिने नै छौं ।
अपडेट : सामसंगका नेपाल कार्यालय स्थीत एक अधिकारीले नाम उल्लेख नगर्ने शर्तमा ग्यालेक्सी नोट नाइन अगस्तको अन्तिममा मात्र नेपाली बजारमा सार्वजनिक हुने दाबी गरे ।
उनकाअनुसार भारतीय बजारमा अगस्त २४ पछि मात्र आधिकारिकरुपमा फोन उपलब्ध हुने हुँदा नेपाली बजारमा त्यो मितिपछि मात्र फोन आउने छ ।
यसैबिच सामसंगले ग्यालेक्सी नोट नाइनबाट धेरै अपेक्षा राखेको हुँदा नेपाली बजारमा पनि त्यसको प्रबद्र्धनात्मक कार्यलाई तिब्रता दिने बताईएको छ । सोहि आधारमा कम्पनीले नोट नाइनको लागि ब्लगर्स मिट समेत गर्ने तयारी गरेको छ ।
प्रकाशित: २८ श्रावण २०७५, सोमबार