एनआईसी एशिया बैंकको क्यूआर कोडमार्फत भुक्तानी सेवा, मोबैंक एपबाट भुक्तानी गर्न सकिने

Technology Khabar २१ श्रावण २०७५, सोमबार

एनआईसी एशिया बैंकको क्यूआर कोडमार्फत भुक्तानी सेवा, मोबैंक एपबाट भुक्तानी गर्न सकिने

काठमाडौं । एनआईसी एशिया बैंक लिमिटेडले आइतबारदेखि क्यूआर कोड मार्फत भुक्तानी सेवा संचालनमा ल्याएको छ । यो सेवा बैंकको मोबाइल बैंकिङ्ग (मोबैंक एप) प्रयोगकर्ताहरुले प्रयोग गरि उपभोग गर्न सक्ने बताईएको छ ।

यसरी गर्न सकिन्छ क्यूआर कोड मार्फत भुक्तानी

१. मर्चेन्टले मोबैंक मर्चेन्ट एप बाट रिक्वेष्ट पेमेन्ट विकल्प प्रयोग गरि क्यूआर कोड जेनरेट गर्ने र ग्राहकले आफ्नो मोबैंक प्रयोग गरि सोहि क्यूआर कोड मा मोपे विकल्प प्रयोग गरि स्क्यान गरेर भुक्तानी गर्न सक्नेछन् ।

२. मर्चेन्टले भुक्तानी काउण्टरमा क्यूआर कोड भएको स्टिकर पनि राख्न सक्नेछन् जसलाई ग्राहकले मोपे विकल्प प्रयोग गरि स्क्यान गरेर भुक्तानी गर्न सक्नेछन् ।

बैंकले नै यो सेवा नेपालमा पहिलो पटक शुरु गरेको दाबी गरेको छ ।

यो सेवा प्रयोग गर्नको लागि ग्राहकसँग स्मार्टफोन उपलब्ध हुनुपर्ने र सो स्मार्टफोन प्रयोग गरि ग्राहकले सजिलै भुक्तानी गर्न सकिने बैंकले जनाएको छ । बैंकको मोबाइल बैंकिङ्ग मोबैंक सेवा गुगल प्लेरएप स्टोर अथवा बैंकको वेबसाइटबाट डाउनलोड गरी प्रयोग गर्न सकिने बैंकले जनाएको छ।

TK Viber

प्रकाशित: २१ श्रावण २०७५, सोमबार

Loading...