कूलप्याडको ‘कूल प्ले सेभेन’ स्मार्टफोन सार्वजनिक, पहिलो पटक ‘नोच डिस्प्ले’ डिजाइन

Technology Khabar १० श्रावण २०७५, बिहीबार

कूलप्याडको ‘कूल प्ले सेभेन’ स्मार्टफोन सार्वजनिक, पहिलो पटक ‘नोच डिस्प्ले’ डिजाइन

काठमाडौं ।

काठमाडौं । कूलप्याडले चीनमा आफ्नो नयाँ स्मार्टफोन कूल प्ले ७ (Cool Play 7) सार्वजनिक गरेको छ । यसअघि कम्पनीले ल्याएको यो स्मार्टफोन कूल प्ले ६ को अपग्रेड भर्सन हो, जून गत वर्ष सार्वजनिक भएको थियो ।

कूलप्याडको यो स्मार्टफोन कम्पनीका यसअघिका फोनहरुभन्दा निकै फरक डिजाइनमा आएको छ । यो फोनमा कूलप्याडले पहिलो पटक नोच डिजाइन राखेको छ भने यसको स्पेशिफिकेसन पनि एडभान्स छ ।

कूल प्ले ७ मा ५.८५ इन्चको एचडी डिस्प्ले राखिएको छ जसमा १९ः९ एस्पेक्ट रेशियो रहेको छ । स्मार्टफोनमा साइड बेजेल निकै कम मात्र छ ।

स्मार्टफोनको ब्याक र फ्रन्टमा ओलेफोबिक कोटिंग राखिएको छ भने यसको फ्रेम जिंक एलोयद्धारा बनाईएको छ ।

कूल प्ले सेभेनमा १.५ गीाहर्ज अक्टा कोर मिडियाटेक एमटी६७५० प्रोसेसर राखिएको छ । यसमा ४ जीबी र्याम तथा ६४ जीबीको आन्तरिक स्टोरेज राखिएको छ जसलाई बढाउन सकिन्छ ।

कुलप्याडको नयाँ फोनमा ड्यूल रियर क्यामरा सेटअप राखिएको छ जसमा १३ मेगापिक्सेलको मुख्य क्यामरा छ भने अर्को १३ मेगापिक्सेलको सेन्सर रहेको छ । सेल्फीका लागि ८ मेगापिक्सेलको फ्रन्ट क्यामरा राखिएको छ । क्यामराले पोट्रेट मोडमा फोटो खिच्न सक्दछ भने स्लो मोशन भिडियो रेकर्ड गर्न सक्छ ।

फोनमा पावरको लागि २,८०० एमएएच ब्याट्री छ भने एन्ड्रोयड ओरियोमा संचालन हुन्छ । यो फोनमा फेस अनलक, ड्यूल सिम, फोरजी भीओएलटिई, वाईफाई, ब्लूटूथ जस्ता फीचरहरु छन् । फिंगरप्रिन्ट स्क्यानर यसको पछाडि राखिएकोछ भने फोनमा आर्टिफिसियल इन्टेलिजेन्स पनि राखिएको छ ।

कूल प्ले सेभेन स्मार्टफोन ह्वाइट, ब्लू र ब्ल्याक कलर अप्सनमा आउने छ । तर कम्पनीले यसको बजार मूल्य भने तोकेको छैन् ।
यो फोन चीनमा जेडी डटकममा उपलब्ध हुनेछ भने जूलाई ३० देखि मात्र किन्न पाईनेछ ।

माध्यम

Global Bank
easy care

प्रकाशित: १० श्रावण २०७५, बिहीबार