नेपालमा मोबाइल एपमार्फत होटल सेवा दिने ओयोले किन्यो आईओटी कम्पनी

Technology Khabar २६ असार २०७५, मंगलवार

नेपालमा मोबाइल एपमार्फत होटल सेवा दिने ओयोले किन्यो आईओटी कम्पनी
Classic Tech
Nepal Telecom

काठमाडौं । नेपालमा अनलाइन तथा मोबाइल एपमार्फत होटल सेवा दिँदै आएको ओयोले भारतको मुम्बईको इन्टरनेट अफ थिंग्स (आईओटी) को क्षेत्रमा काम गर्ने कमपनी एबल प्लसको अधिग्रहण गरेको छ ।

नयाँ अधिग्रहणबाट भारतीय कम्पनी ओयोले आफ्नो प्रौद्योगिकी क्षमतालाई अझ उत्कृष्ट बनाउने बताईएको छ ।

कम्पनीद्धारा जारी विज्ञप्तिमा कम्पनीका मुख्य प्रौद्योगिकी अधिकारी अनिल गोयलले भने, हामी एबल प्लसको अधिग्रहणबाट निकै खुशी भएका छौं । हामी भारतीय तथा विश्व होटल क्षेत्रमा आईओटीको प्रयोग गर्नेमा शीर्ष स्थानमा रहने तर्फ बढेका छौं। यसको विश्वभर असर देखिनेछ ।

आईओटीको प्रयोगबाट ग्राहकहरुले कयौं सुविधाहरु प्राप्त गर्न सक्नेछन् । होटलमा आफैं चेकइन गर्न सकिनेछ भने आईओटी सर्भर स्मार्ट लकको सुविधा उपलब्ध गराउन पनि सक्षम हुनेछ ।

नेपालमा पनि ओयोले ३५ भन्दा बढि होटलका ६ सय कोठाहरु उपलब्ध गराईरहेको छ, जसको लागि कम्पनीले केहि साता अघि मात्र ईसेवासँग बुकिंग र भुक्तानीको लागि सहकार्य गरेको थियो ।

कम्पनीले यो सेवा विश्वभर नै दिनसक्ने संकेत दिएको हुँदा नेपाली होटलहरुमा पनि आगामी दिनमा ओयोले आईओटीको प्रयोग गर्ने अनुमान गर्न सकिन्छ ।

TK Viber

प्रकाशित: २६ असार २०७५, मंगलवार

Loading...