Technology Khabar १७ असार २०७५, आईतवार
काठमाडौं ।
काठमाडौं । शाओमीको नयाँ स्मार्टफोन एमआई मिक्स ३ को इमेज सार्वजनिक भएको छ । कम्पनीले एमआई मिक्स ३ ल्याउने चर्चासँगै नयाँ फोनको तस्विर लिक भएको हो । तर अहिलेसम्म यो डिभाइसको बारेमा केहि स्पष्ट जानकारी आएको छैन् ।
यसअघि कम्पनीले एमआई मिक्स बेजेल लेस फोन ल्याउन शुरु गरेको थियो जसलाई निरन्तरता दिँदै कम्पनीले एमआई मिक्स टू सार्वजनिक गरेको थियो ।
हाल ल्याउन लागेको एमआई मिक्स थ्रीमा फोन बिना कुनै बेजेलको देखिएको छ । यो फोनमा यसअघि आएको फोनहरु भन अधिक स्क्रीन टू बडि रेसियो हुनसक्ने अनुमान गरिएको छ ।
रिपोर्टकाअनुसार यो फोनमा ओप्पो र भीभोको जस्तै पपअप सेल्फी क्यामरा हुनसक्नेछ । यदि पपअप सेल्फी क्यामरा भएमा फोन केहि मोटो हुनसक्नेछ । तर अहिले हेर्दा यसको डिजाइन एमआई मिक्स २एसको जस्तै छ ।
के होला स्पेशिफिकेशन
शाओमी मि मिक्स ३ मा क्वालकम स्न्यापड्रागन ८४५ प्रोसेसर प्रयोग गरिनेछ भने फोनमा ८ जीबी र्याम र २५६ जीबीको इंबिल्ट स्टोरेज हुनसक्नेछ । एन्ड्रोयड ८.१ मा आधारित हुने फोन कहिले आउँछ भन्ने जानकारी छैन् ।
यो फोन बजारमा छिटै आउन सक्ने संभावना रहेको बताईएको छ ।
प्रकाशित: १७ असार २०७५, आईतवार