एन्ड्रोयड फोनमा इन्टरनेट नजोडेपनि डाउनलोड गर्न सकिने, क्रोमको ‘अफलाइन फीचर’ आयो

Technology Khabar १० असार २०७५, आईतवार

एन्ड्रोयड फोनमा इन्टरनेट नजोडेपनि डाउनलोड गर्न सकिने, क्रोमको ‘अफलाइन फीचर’ आयो
Classic Tech

काठमाडौं । गूगलले एन्ड्रोयड डिभाइसको लागि नयाँ फीचर शुरु गरेको छ । कम्पनीले बिहिबारदेखि जारी गरेको नयाँ फीचरबाट विश्वका कयौं देशहरुमा यूजरले इन्टरनेट कनेक्शन नभएपनि वेब सर्च गर्न सक्नेछन् । तर यो सर्च सुविधा गूगल क्रोममा मात्र उपलब्ध रहेको छ ।

गूगलको एन्ड्रोयड अफलाइन फीचरले गर्दा यूजरले मोबाइल फोनमा क्रोममार्फत आफु नजिकको विभिन्न जानकारीहरु डाउनलोड समेत गर्न सक्ने सुविधा दिएको हो ।

गूगल एन्ड्रोयड अफलाइन प्रोडक्ट म्यानेजर अमन्दा बोसले भने, ‘जतिबेला तपाईँ इन्टरनेटमा कनेक्ट हुनुहुन्छ र वाईफाई पनि उपलब्ध छैन्, त्यसबेला पनि तपाईँ स्वत सम्बन्धित लोकेशनबाट उपयुक्त आर्टिकल डाउनलोड गर्न सक्नुहुनेछ ।’

स्वत डाउनलोड गरिएको विषयवस्तु कुनै पनि समय बिना इन्टरनेट तपाईँलाई उपलब्ध हुनेछ । यदि तपाईँले क्रोममा साइन गर्नुहुन्छ भने तपाईँको ब्राउजिंग हिस्ट्रीको आधारमा सम्बन्धित आर्टिकलहरु उपलब्ध हुनेछ । यो सुविधा प्रयोगकर्ताको लोकेसन र उनको पहिलेको रुचीको आधारमा हुने बताईएको छ ।

यो फीचर सिमित डाटा योजना लिएका प्रयोगकर्ताहरुका लागि समेत लाभदायक हुनेछ ।

एन्ड्रोयड क्रोमले यो सुविधा विश्वका १०० मुलुकहरुमा उपलब्ध गराएको छ । जून फीचर क्रोमको नयाँ अपडेटेड भर्सनमा मात्र उपलब्ध हुनेछ ।

स्रोत

TK Viber

प्रकाशित: १० असार २०७५, आईतवार

Loading...