Technology Khabar २७ जेष्ठ २०७५, आईतवार
काठमाडौं ।
काठमाडौं । तपाईँ याहू प्रयोगकर्ता हुनुहुन्छ भने तपाईँको लागि दुखद खबर आएको छ । याहूले आफ्नो इन्स्ट्यान्ट म्यासेनजर याहू म्यासेन्जर बन्द गर्ने भएको छ । कम्पनीले यहि जुलाई १७ तारिखदेखि सो याहू म्यासेन्जरलाई पूर्णरुपमा बन्द गर्ने घोषणा गरेको छ ।
हाल याहू मेसेन्जरमा रहेका प्रयोगकर्ताहरुलाई नयाँ ग्रुप मेसेजिंग एप स्क्वारलमा स्विच गरिनेछ । यसअघिदेखि नै कम्पनीले स्क्वारल एपमा टेस्टिंग गरिरहेको छ ।
कम्पनीकाअनुसार अझ राम्रो संचारको लागि नयाँ मेसेजिंग एपमा स्विच गरिरहेका छौं ।
याहू मेसेन्जर बन्दभएपछि यो नयाँ एप सबैका लागि रोलआउट गरिनेछ ।
याहू हेल्प फोरममा कम्पनीले भनेको छ ।
कम्पनीले यो म्यासेन्जर बन्द गरेपनि तपाईँले आफ्नो च्याटको इतिहास डाउनलोडगर्न सक्नुहुनेछ । यसको लागि कम्पनीले ६ महिनासम्म च्याट हिस्ट्री डाउनलोड गर्ने सुविधा दिएको छ । यदि तपाईँले याहू मेसेन्जरबाट केहि डाउनलोड गर्न चाहनुहुन्छ भने त्यसको कपी संरक्षण गर्न सक्नुहुनेछ नत्र भने यो जूलाई १७ तारिख अर्थात साउन १ गतेदेखि बन्द हुनेछ ।
याहू मेसेन्जर सन् १९९८ मार्च ९ तारिखमा याहू पेजरको रुपमा शुरु भएको थियो, जून सन् १९९९ जून २१ तारिखमा रिब्राण्डिंग गरिएको थियो ।
यो बन्द हुने दिनसम्ममा यो ठिक २० वर्ष ४ महिना ८ दिनको हुनेछ ।
सो बेलामा यो च्याटिंग एप डेस्कटप कम्यूनिटीमा निकै लोकप्रिय रहेको थियो । तर यसले गूगल तथा फेसबुकको मोबाइल च्याटिंग एपसँग प्रतिस्पर्धा गर्न नसकेपछि यूजरको संख्या घटिरहेको थियो ।
यसअघि कम्पनीले एओएल इन्स्ट्यान्ट मेसेन्जर पनि बन्द गरेको थियो ।
कसरी गर्ने च्याट हिस्ट्री डाउनलोड
-यसको लागि पहिलो डाउनलोडर रिक्वेष्ट साइटमा जाने ।
-साइन गरेपछि भेरिफिकेसनको प्रकृया अपनाउने र त्यसपछि तपाईँलाई पठाएको एकाउन्ट की इन्टर गर्ने ।
-डाउनलोड लेखिएको ट्याबमा क्लिक गर्ने ।
-त्यसपछि तपाईँले चाहेको ईमेल राख्नुहोस जसमा च्याट हिस्ट्री चाहनुहुन्छ त्यसपछि क्लिक गर्नुहोस् ।
-तपाईँको ईमेलमा च्याट हिस्ट्रीको फाइल हेर्नुहोस् ।
प्रकाशित: २७ जेष्ठ २०७५, आईतवार