सामसंग ग्यालेक्सी नोट नाइन अगस्टमा सार्वजनिक हुने, फोनमा अपग्रेड गरिएको क्यामरा

Technology Khabar २० जेष्ठ २०७५, आईतवार

सामसंग ग्यालेक्सी नोट नाइन अगस्टमा सार्वजनिक हुने, फोनमा अपग्रेड गरिएको क्यामरा
NTC_Advt

काठमाडौं । सामसंगको नयाँ फ्ल्यागशिप डिभाइस नोट नाइनको चर्चा निकै समयदेखि भईरहेको छ । यो वर्ष सामसंगले आफ्नो फ्ल्याशिप डिभाइस ग्यालेक्सी नोट नाइन ल्याउने तयारीका साथमा नयाँ नयाँ रिपोर्टहरु आएका छन् ।

कम्पनीले सार्वजनिक गर्ने नोट नाइन केहि ढिलाई गरि सार्वजनिक हुने रिपोर्ट केहि समयपहिले आएको थियो भने अहिले नयाँ समाचार बाहिर आएको छ ।

कम्पनीले नोट नाइनमा अपग्रेड गरेको क्यामरा राख्ने तर यसको डिजाइनहरु भने अघिल्लो वर्षको नोट एट जस्तै हुने बताईएको छ । यसका साथै सो स्मार्टफोनमा क्वालकमको नयाँ अपग्रेड गरिएको प्रोसेसर राखिने छ ।

नयाँ स्मार्टफोन यहि अगस्ट ९ तारिखमा न्यूयोर्कमा सार्वजनिक हुने रिपोर्टमा उल्लेख छ ।

ग्यालेक्सी नोट नाइनमा ६.३८ इन्चको डिस्प्ले हुनेछ भने यसमा ३,८५० एमएएचको ब्याट्री राखिने बताईएको छ । त्यस्तै नोट नाइनमा ८ जीबी र्याम र ५१२ जीबी स्टोरेजको अप्सन हुनसक्ने बताईएको छ ।

प्रकाशित: २० जेष्ठ २०७५, आईतवार