सामसङ ग्यालेक्सी जे टू २०१८ मोबाइल बजारमा, फोनमा मेमोरी सेभिङ्ग फिचर

Technology Khabar ९ जेष्ठ २०७५, बुधबार

सामसङ ग्यालेक्सी जे टू २०१८ मोबाइल बजारमा, फोनमा मेमोरी सेभिङ्ग फिचर
Classic Tech

काठमाडौं। सामसङ मोबाइलले जे सिरिज अन्तर्गत जे टू २०१८ (Samsung Galaxy J2 2018) मोडल नेपाली बजारमा भित्र्याएको छ ।

ग्यालेक्सी जे टू २०१८ मोबाइल जेठ ४ गतेदेखि नेपाली बजारमा उपलब्ध रहेको कम्पनीले जानकारी दिएको छ ।

यो मोबाइल गोल्ड तथा ब्ल्याक गरी दुई रंगमा उपलब्ध छ । फोनमा क्वाड-कोर क्वालकम स्न्यापड्रागन प्रोसेसरका साथमा २ जीबी र्याम तथा १६ जीबीको आन्तरिक स्टोरेजका साथ उपलब्ध रहेको छ । स्मार्ट फोनमा हुनु पर्ने डिभाइस मेन्टिनेन्स फिचर यस सेटमा रहेको छ । यो फिचरले गर्दा यसको कार्य क्षमता अझ बढी विशिष्ट हुनपुगेको कम्पनीको दाबी छ ।

सामसङ ग्यालेक्सी जे टू २०१८ सेटमा मेमोरी सेभिङ्ग फिचर रहेको छ, जसले सोसल मिडिया एप्लिकेशनका सामग्रीहरुलाई सीधै मेमोरी कार्डमा राख्न सकिने छ ।

‘सोसल मिडियाको ज्यादा प्रयोग गर्नुहुने प्रयोगकर्ताहरुका लागि ‘मुभ टु मेमोरी कार्ड’ जस्तो बहुपयोगी फिचरले इन्टरनल मेमोरीलाई प्रयोग नगरी चलाउन सकिने सुविधा प्रदान गर्दछ । यसरी इन्टरनल मेमोरीलाई फ्रि राख्न सकिने हुँदा मोबाइलको कार्यक्षमता सदैव कायम हुन्छ,’ सामसङ नेपालका प्रमुख प्रणय रत्न स्थापितले भने ।

ग्यालेक्सी जे टू २०१८ मा ५.० इन्चको सुपर एमोलेड डिस्प्ले, तथा २,६०० एमएएचको पावर व्याट्री रहेको छ । एलइडि फ्ल्याशको साथ ८ मेगापिक्सलको रियर क्यामरा तथा ५ मेगापिक्सलको फ्रन्ट क्यामरा ग्यालेक्सी जे टू २०१८ मोबाइलमा राखिएको छ ।

यस सेटको मूल्य १४ हजार ५ सय ९० रुपैयाँ तोकिएको कम्पनीले जनाएको छ ।

TK Viber

प्रकाशित: ९ जेष्ठ २०७५, बुधबार

Loading...