Technology Khabar ३१ बैशाख २०७५, सोमबार
काठमाडौं ।
काठमाडौं । इन्फर्मेशन सेक्युटी रेस्पोन्स टिम नेपाल (एनपी सर्ट)को आयोजनामा आगामी साउन ११ र १२ गते काठमाडौंमा ‘ग्लोबल साइबर सेक्युरटी समिट २०१८’ हुने भएको छ ।
“Building Global Alliance for Cyber Resilience” भन्ने थीमका साथ आयोजना हुन लागेको समिटमा साइबर सेक्युरिटी र यससँग सम्बन्धित विभिन्न विषयका राष्ट्रिय र अन्तर्राष्ट्रिय विज्ञ, अनुसन्धाता र प्रोफेसनलहरुको विशेष उपस्थिति रहने बताइएको छ ।
‘पछिल्लो समयका साइबर कानून, साइबर अपराध र साइबर सेक्युरिटीसम्बन्धी विश्लेषण र निदानका विषयमा समिटमा गम्भीर रुपमा छलफल हुने छ,’ एनपीसर्टका अध्यक्ष चिरञ्जिवी अधिकारीले भने ।
समिटमा प्यानल डिस्कसन, प्रिजेन्टेशनहरु, नेटवर्किङ सेसन, ब्रेनस्टोर्मिङ, कि-नोट स्पिच, वर्कसपलगायतका कार्यक्रम हुने बताईएको छ ।
इन्फर्मेशन सेक्युरिटी एक्सपर्टहरुको टिमले स्थापना गरेको एनपी सर्टले नेपालमा बढ्दै गएको साइबर चुनौतीलाई न्यूनिकरण गर्न र राष्ट्रिय सूचनाको सुरक्षा गर्ने विषयमा विभिन्न गतिविधिहरु सञ्चालन गर्दै आएको जनाएको छ ।
प्रकाशित: ३१ बैशाख २०७५, सोमबार
