नयाँ वर्षको अवसरमा सामसङको नयाँ अफर, इलेक्ट्रोनिक्स् उत्पादन किन्दा १५ प्रतिशतसम्म छुट

काठमाडौं ।

काठमाडौं । सामसङ इलेक्ट्रोनिक्स् नेपालले नयाँ वर्ष २०७५ को उत्साहलाई दोब्बर गर्दै ‘नयाँ वर्षको उमङ्ग, सामसङसँग’ नामक अफर बजारमा ल्याएको छ ।

नयाँ वर्षको उल्लासमय अवसरमा उत्कृष्ट योजनाहरुसँगै एक नौलो सुरुवात गर्न चाहने उपभोक्ताहरुलाई लक्षित गरी यस योजना नयाँ वर्षको उपहारको रूपमा प्रस्तुत गरिएको कम्पनीले जानकारी दिएको छ ।

उपभोक्ताले सामसङको टिभी तथा घरायसी उपकरणको खरिदमा १५ प्रतिशतसम्मको छुट पाउनेछन् ।

पहिलो पटक सामसङले नेपालको सबैभन्दा ठूलो इन्टरनेट सेवा प्रदायक कम्पनी वल्र्डलिंकसँग साझेदारी गर्दै आफ्नो स्मार्ट टिभीको विक्रीमा अनलिमिटेड इन्टरनेट प्लस नेट टिभी Unlimited Internet + Net TV सेवा प्रदान गर्ने भएको छ ।

३२ इन्च देखि ४३ इन्चसम्मको सामसङ स्मार्ट टिभीको खरिदमा अब उपभोक्ताले १२ प्रतिशत क्यासब्याक तथा ६ महिनाको लागि १० एमबीपीएसको अनलिमिटेड इन्टरनेट प्लस नेट टिभी सेवा पाउनेछन् । त्यसैगरी, ४९ इन्च देखि ५५ इन्च सम्मको फ्ल्याट स्मार्ट टिभीको खरिदमा उपभोक्ताले १२ प्रतिशत क्यासब्याकसहित ६ महिनाको लागि २५ एमबीपीएसको अनलिमिटेड इन्टरनेट प्लस नेट टिभी सेवा प्राप्त गर्नेछन् ।

साथै, ५५ इन्च कभ्र्ड र त्यसमाथिको श्रेणीका एसयूएचडी SUHD र क्यूएलईडी टिभी QLED को खरिदमा १२ प्रतिशत क्यासब्याकसहित १ वर्षको ५० एमबीपीएस अनलिमिटेड इन्टरनेट प्लस नेट टिभी सेवा उपभोक्ताहरुलाई दिइने बताईएको छ ।

अन्य एचडी र फुलएचडी टिभीको खरिदमा भने उपभोक्ताले अधिकतम खुद्रा मूल्यमा १५ प्रतिशत पक्का क्यासब्याक पाउने कम्पनीले जानकारी दिएको छ ।

माथि उल्लेखित सेवासँगै उपभोक्ताले सामसङको सबै सिंगल डोर रेफ्रिजेरेटरहरु तथा डबल डोर रेफ्रिजेरेटरहरुका केही मोडेलहरुमा ११ प्रतिशतदेखि १५ प्रतिशतसम्मको छुट पनि प्राप्त गर्नेछन् ।

त्यसैगरी नयाँ वासिंग मेसिन, फ्लेक्सवासको खरिदमा निशुल्क सामसंग एयर प्यूरिफायर र ५ हजार रुपैयाँ बराबरको २२ किलो डिटर्जेन्ट उपलब्ध छ । साथै अन्य टप लोड र फ्रन्ट लोड वासिंग मेसिनहरुको अधिकतम खुद्रा मूल्यमा १० प्रतिशत क्यासब्याक पाइनेछ ।

आफ्ना उपभोक्ताहरुलाई कदर गर्दै उनीहरुको बढ्दो चाहना पूरा गर्ने सामसङको लक्ष्यसहित नव वर्षको शुभारम्भको अवसरमा यस योजना ल्याएको हो । नेपालभरका सामसङ ब्राण्ड स्टोर तथा अधिकृत विक्रेतामा उपलब्ध यो अफर १३ मे २०१८ सम्म लागू गरिएको कम्पनीले जनाएको छ ।