Technology Khabar ११ चैत्र २०७४, आईतवार
काठमाडौं ।
काठमाडौं, ११ चैत । कर्णाली प्रदेशको भेरी नगरपालिकाले फेसबुक प्रतिवन्धको घोषणा गरेको छ ।
प्रदेश मुख्यमन्त्री महेन्द्रबहादुर शाहीले फेसबुकमा प्रतिवन्ध लगाउने घोषणा गरेको पर्सिपल्टदेखि नै सो नगरपालिकाले कार्यालय समयमा फेसबुक चलाउन प्रतिवन्ध लगाएको हो ।
शुक्रबार बसेको बैठकले कार्यालय समयमा फेसबुक चलाउँदा काममा बाधा पुग्ने जनाउँदै प्रतिबन्ध लगाएको सूचना शाखा उपप्रमख भावना भण्डारीलार्इ उदृत गर्दै समाचार अाएकाे हाे ।
सोअनुसार बिहान १० बजेदेखि साँझ ५ बजेसम्म फेसबुक चलाउन नपाइने र चलाएको पाइएमा कारवाही हुने नगरपालिकाले जनाएको छ ।
यसैबीच कर्णाली प्रदेश सरकारले पनि मंगलवारदेखि सम्पूर्ण मन्त्रालयहरुमा फेसबुक प्रयोगमा प्रतिबन्ध लगाउने भएको छ । प्रदेशका सरकारी कार्यालयमा कार्यालय समयमा फेसबुक चलाउन प्रतिबन्ध लगाउने तयारीअनुसार पहिलो चरणमा प्रदेशका मन्त्रालयहरुमा प्रतिबन्ध गरिने बताईएको छ ।
त्यसपछि क्रमश प्रदेशका सबै कार्यालयहरुमा फेसबुक प्रयोगमा प्रतिबन्ध लगाईने भएको हो ।
सो प्रदेशमा सरकारी कार्यालयभित्र कार्यालय समयमा मात्र फेसबुक संचालनमा प्रतिबन्ध गर्न लागिएको हो ।
यसअघि काठमाडौंमा आयोजित एक कार्यक्रममा प्रदेश मुख्यमन्त्री शाहीले फेसबुक प्रयोगमा प्रतिवन्ध लगाउने घोषणा गरेका थिए ।
प्रकाशित: ११ चैत्र २०७४, आईतवार