एप्पलले चार मोडलका आइफोन उत्पादन गर्ने, सस्तो आइफोन ‘एसई’ पनि आउने

Technology Khabar १५ माघ २०७४, सोमबार

एप्पलले चार मोडलका आइफोन उत्पादन गर्ने, सस्तो आइफोन ‘एसई’ पनि आउने
Classic Tech

काठमाडौं, १२ माघ । एप्पलको नयाँ आइफोनको मोडलको बारेमा विभिन्न चर्चाहरुहरुले बजार निकै तताएको छ । केहि समय अघि केजीआईको रिपोर्ट सार्वजनिक भएको थियो भने हाल डिजिटाइम्सको नयाँ रिपोर्टले चर्चा बटुलेको छ । अमेरिकन टेक कम्पनी एप्पलले यो वर्ष ६.१ इन्चको कुनै ओएलईडी (OLED) डिस्प्लेसहितको आइफोन मोडल नल्याउने रिपोर्टमा उल्लेख छ ।

यसअघि एप्पलले जम्मा चारवटा आइफोन मोडल ल्याउने चर्चा रहेको थियो जसमा दुईवटा एलसीडी (LCD) डिस्प्ले र अन्य दुई ओएलईडी मोडलका हुने बताईएको थियो । तर डिजिटाइम्सले रिसर्च एनालाइसिस्ट ल्यूक लिनलाई आधार मानेर दुई एलईडी आइफोन मोडलमध्ये ५.७ इन्चदेखि ५.८ इन्चसम्मको एउटा र अर्को ६ देखि ६.१ इन्चसम्मको आउन सक्नेछ ।

त्यस्तै एउटा ओएलईडी ६ इन्चदेखि ६.१ इन्च अथवा ६.४ इन्चदेखि ६.५ इन्चको स्क्रीन साइजमा ल्याउने अनुमान गरिएको छ ।

नयाँ आइफोन लाइनअप गत वर्ष भएको जस्तै लाइनअपमा आउने छ । गत वर्ष दुई एलसीडी प्यानेलमा आधारित डिभाइस आइफोन ८ र आइफोन ८ प्लस तथा अर्को ओएलईडीमा आधारित आइफोन एक्स रहेको थियो ।

चारैवटा प्रोजेक्टहरु वायरलेस चार्जिंग र थ्रीडी सेन्सिंग फक्ग्सनका साथमा आउनेछन् ।

जे भएतापनि अहिलेसम्म एप्पलले अन्तिम निर्णय लिईसकेको छैन र विभिन्न भेण्डरहरुसँग त्यसको बारेमा छलफल भईरहेको छ ।

यसका साथमा एप्पलले इन्ट्रि लेभलको क्षेत्रका लागि सस्तो मूल्यमा आइफोन एसईको नयाँ संस्करण सन् २०१८ मा ल्याउने बताईएको छ । यसमा पनि वायरलेस चार्जिंग हुनेछ तर थ्रीडी सेन्सिंग भने राखिनेछैन् ।

नयाँ स्मार्टफोनहरु मास प्रडक्सनका लागि मे वा जुनमा शुरु हुने लिनले जानकारी दिएका छन् ।

माध्यम

प्रकाशित: १५ माघ २०७४, सोमबार

Comments are closed.

Loading...