युवाहरुको गोप्य फेसबुक समूहको रुपमा रहेको ‘मेन्स रुम रिलोडेड’ छैटौं वर्षमा

Technology Khabar २५ मंसिर २०७४, सोमबार

युवाहरुको गोप्य फेसबुक समूहको रुपमा रहेको ‘मेन्स रुम रिलोडेड’ छैटौं वर्षमा
Classic Tech

काठमाडौं, २५ मंसिर । फेसबुकमा रहेको नेपालको सबंभन्दा ठूलो सामाजिक संजाल समूह मध्येको एक मेन्स रुम रिलोडेड (एमआरआर) ले ६ वर्ष पुरा गरेको छ ।

स्थापनाको समयमा नेपाली दाजुभाईहरुबीच रमाईलो र मनोरन्जनात्मक सूचनाहरु आदान प्रदान गर्ने उद्धेश्यका साथ स्थापना भएको यो समूह हाल सामाजिक कार्यको क्षेत्रमा सक्रिय भएको समूहको फेसबुक पेजमा उल्लेख छ ।

सन् २०११ डिसेम्बर ११ तारिखमा केहि नेपाली युवाहरु मिलेर स्थापना गरेका सो समूह हाल नेपालको सबैभन्दा लोकप्रिय फेसबुक समूहमा पर्दछ ।

केवल युवाहरुलाई मात्र आबद्ध गराईने सो समूहले विभिन्न स्थानहरुमा पुस्तकालय निर्माण तथा पुस्तक प्रदान, जाडोमा न्यायो कपडा बितरण, नाकाबन्दीको बेलामा स्वयंसेवाको रुपमा सवारी साधनबाट पिकअप गर्ने कार्यसमेत गरेका थिए ।

त्यसैगरी सो समूहले बाढि पिडितहरुलाई उद्धार तथा विभिन्न सहयोगको कार्यक्रम समेत आयोजना गरेको थियो ।

समूहले हाल नेपालमा आवश्यक पर्ने रक्तदाताहरुको जानकारी राख्नको लागि एमआरआर ब्लड डाटाबेस समेत तयार गरिरहेको छ ।

केहि समयअघि सदस्यताको विषयलाई लिएर विवादमा समेत आएको एमआरआर समूहको फेसबुक पेज करिब ५ दिनसम्म बन्द समेत भएको थियो । विवादलाई समाधान गर्दै पुन संचालनमा आएको सो समूहले छैटौं वार्षिकोत्सव विभिन्न कार्यक्रम गरेर मनाई रहेको छ ।

एमआरआरले वार्षिकोत्सव पारेर समूहले नुवाकोट, बिराटनगर, पोखरा, चितवन, कैलालीलगायतका स्थानमा कार्यक्रम गरिरहेको समूहका एडमिन मनिष थापाले जानकारी दिए ।

मेन्स रुम रिलोडेड समूहमा हाल एक लाख भन्दा बढि सक्रिय सदस्यहरु आबद्ध रहेका छन् । समूहले सामाजिक कार्य लार्इ अगाडि बढाउन वेवसाइट पनि स‌ंचालनमा ल्याउन लागेकाे छ ।

TK Viber

प्रकाशित: २५ मंसिर २०७४, सोमबार

Loading...