ओप्पो एफथ्री अब ‘ब्ल्याक’ भर्सनमा, सेल्फीका लागि डुअल फ्रण्ट क्यामेरा

Technology Khabar २८ जेष्ठ २०७४, आईतवार

ओप्पो एफथ्री अब ‘ब्ल्याक’ भर्सनमा, सेल्फीका लागि डुअल फ्रण्ट क्यामेरा
Classic Tech

काठमाडौं, २८ जेठ । क्यामेरा फोन ब्राण्ड ओप्पोले कालो रङ्मा एफथ्रीको नयाँ भर्सन सार्वजनिक गरेको छ । कम्पनीले केही समय अगाडी ओप्पो एफथ्री प्लस पछि सार्वजनिक गरेको एफथ्री गोल्ड भर्सन, डुअल फ्रण्ट क्यामेरासहित ग्रुप सेल्फी पुस्ता लक्षित दोस्रो स्मार्टफोन हो ।

ओप्पो एफथ्रीमा डुअल फ्रण्ट क्यामेरा उपलब्ध छ । एकल सेल्फीका लागि फोनमा १६ मेगा पिक्सेल र ग्रुप सेल्फीका लागि वाइड एङ्गल लेन्स सहितको क्यामेरा जडान गरिएको छ ।

कम्पनीका अनुसार एफथ्रीको ब्ल्याक भर्सन नेपाली बजारमा जेठ २७ देखि प्रमुख मोबाइल विक्रि केन्द्रहरु मार्फत सर्वत्र उपलब्ध छ ।

मध्यम वर्गिय बजार लक्षित कालो रङमा सार्वजनिक गरिएको एफथ्री ब्ल्याक भर्सनको मूल्य ३२ हजार ९ सय ९० रुपैयाँ निर्धारण गरिएको कम्पनीले जनाएको छ ।‘नेपाल प्रवेश गर्दा देखिनै हाम्रा उपभोक्ता, तिनमा पनि विशेषगरी यूवा पुस्ताले फोनमा रङ्को विकल्प माग गर्दै आइरहेका थिए । कालो रङ्ले स्टाइल र आत्मविश्वासको समेत प्रतिनिधित्व गर्छ,’ओप्पो एफथ्रीको ब्ल्याक भर्सन सार्वजनिक गर्दै ओप्पो नेपालका प्रमुख कार्यकारी अधिकृत जोनी जीले भने ।

डुअल सेल्फी क्यामेराका साथै, ओप्पो एफथ्रीमा १३ मेगा पिक्सेल क्षमताको रियर क्यामेरा उपलब्ध छ । यसमा पीडीएएफ प्रविधिका साथै १.३ ईञ्च सेन्सरपनि जडान गरिएको छ । एफथ्रीमा ४ जीबी र्याम र ६४ जीबीको आन्तरिक स्टोरेजसहितको कलर ओएस ३.० (सञ्चालन प्रणाली) र अक्टाकोर प्रोसेसर छ ।

फोनमा जडान गरिएको ट्रिपल स्लट कार्ड ट्रेमा दूईवटा नानो सिम र माइक्रो एसडी कार्ड एकसाथ प्रयोग गर्न सकिन्छ ।

यसमा ३ हजार २ सय एमएएच क्षमताको ब्याट्री जडान गरिएको छ । कम्पनीले वास्तविक प्रयोगद्वारा फोनमा रहेको ब्याट्रीको परिक्षण गरिँदा फोनले निरन्तर १५ घण्टा काम गरेको जानकारी दिइएको छ ।

नेपालमा पनि क्रिकेट प्रति कम्पनीको मायाँ दर्साउने सोचका साथ कम्पनीले खेलसँग सम्बन्धित नयाँ टीभीसी पनि सार्वजनिक गरेको छ ।

टीभीसी लिङ्क- https://youtu.be/nGIo8bjuwzU

TK Viber

प्रकाशित: २८ जेष्ठ २०७४, आईतवार

Loading...