ओप्पोको सेल्फी एक्स्पर्ट एफथ्री सार्वजनिक, ग्रुप सेल्फीका लागि डबल सेल्फी क्यामरा

Technology Khabar २४ बैशाख २०७४, आईतवार

ओप्पोको सेल्फी एक्स्पर्ट एफथ्री सार्वजनिक, ग्रुप सेल्फीका लागि डबल सेल्फी क्यामरा
Classic Tech
Nepal Telecom

काठमाडौं, २४ बैशाख । क्यामरा फोन ब्राण्ड ओप्पोले नेपाली बजारमा नयाँ सेल्फी एक्स्पर्ट ओप्पो एफथ्री सार्वजनिक गरेको छ । कम्पनीको एफथ्री प्लसपछि सार्वजनिक गरिएको यो फोन डुअल फ्रण्ट क्यामरासहित ग्रुफ सेल्फी पुस्ता लक्षित दोस्रो फोन हो ।

सुपरस्टार राजेश हमालले ओप्पो एफथ्री एक कार्यक्रमका बिच सार्वजनिक गरे ।

सार्वजनिक गरिएको नयाँ फोन एफथ्रीमा डुअल फ्रण्ट क्यामरा राखिएको छ । एकल सेल्फीका लागि फोनमा १६ मेगापिक्सेल र ग्रुप (सामुहिक) सेल्फीका लागि वाइड एङ्गल लेन्स सहितको ८ मेगापिक्सेलको क्यामरा जडान गरिएको छ ।

‘प्राविधिकरुपमा नवप्रबर्तनात्मक, उत्कृष्ट तथा गुणस्तरिय उत्पादन पस्कँदै हामी फ्रण्ट क्यामराको माध्यमबाट आफ्ना उपभोक्तालाई हर क्षण रमाउँदै अनुभव संगाल्न र साँच्दै एकताको सुत्रमा बाँध्न चाहान्छौँ’, ओप्पोको नेपालका लागि प्रमुख कार्यकारी अधिकृत जोनी जीले फोन सार्वनिजक गर्दै भने ।

मध्यम बर्गिय उपभोक्ता लक्षित एफथ्रीको मूल्य कम्पनीले ३५,४९० रुपैयाँ निर्धारण गरेको छ । कम्पनीका अनुसार नेपाली बजारमा बैशाख २३ गतेदेखि फोन उपलब्ध हुनेछ ।

डुअल सेल्फी क्यामेरा–‘एउटा सेल्फी र अर्को ग्रुप सेल्फीका लागि’

‘एउटा सेल्फी, अर्को ग्रुप सेल्फीका लागि’, एफथ्रीमा रहेको डबल भ्यू ग्रुप सेल्फी क्यामराले साधारण सेल्फी क्यामराको तुलनामा दूई गुणा बढी फिल्ड अफ भ्यू दिने क्षमता राख्छ । फोनमा रहेको सिक्सपी लेन्सले इमेज डिस्टोर्सनका साथ उच्च श्रेणीका ब्यवसायिक गुणस्तरका तस्विर लिन सघाउँछ । यसले गर्दा प्रयोगकर्ताले सर्वोत्कृष्ट गुणस्तरका ग्रुप सेल्फी लिन सक्ने ओप्पोका मार्केटिंग म्यानेजर मिचेल लीले जानकारी दिए ।

एकल वा ब्यक्तिगत सेल्फीका लागि एफथ्रीमा १६ मेगापिक्सेल रिजोल्यूशन, १.३ इञ्च सेन्सर र ठूलो एफ/२.० एपर्चरको फ्रण्ट क्यामरा राखिएको छ । त्यसैगरि अर्को ८ मेगापिक्सेलको फ्रन्ट क्यामरा पनि राखिएको छ । चहकिलो ब्याकग्राउण्ड भएका स्थानमा समेत यो क्यामराले तस्विरमा उपयुक्त, प्रकाश समायोजन गर्दै प्राकृतिक तस्विर लिन सघाउने बताईएको छ ।

ओप्पोले नयाँ फोनको क्यामरामा स्मार्ट फेसियल रिकग्निशन बिल्ट इन रुपमा उपलब्ध गराएको छ । यसले तस्विर खिच्ने समयमा क्यामराको फ्रेममा ३ जना भन्दा बढी मानिसको उपस्थिती देखिएमा गु्रप सेल्फी मोडको प्रयोगका लागि प्रयोगकर्तालाई सजग गराउँछ ।

ओप्पो एफथ्रीमा १३ मेगापिक्सेलको १.३ ईञ्च सेन्सरसहितको रियर क्यामरा राखिएको छ । यसले प्रकाश सम्वेदनशिलतालाई बढावा दिँदै रात्रीकालिन समयमा समेत उत्कृष्ट कार्य क्षमता प्रदर्शन गर्ने कम्पनीले जानकारी दिएको छ ।

आकर्षक र उपयुक्त डिजाइन

फोनमा ५.५ इञ्चको डिस्प्ले राखिएको छ भने फोनमा रहेको इन सेल एफएचडी प्रविधिले फोनमा रहेको स्क्रिनलाई साधारण स्क्रिनका तुलनामा १/४ भागले पातलो बनाएको छ ।

निरन्तर सहज प्रयोगका लागि ओप्पो एफथ्रीमा कम्पनीले कलरओस ३.० द्वारा शक्ति प्रदान गरिएको अक्टा–कोर प्रोसेसर, ४ जीबी र्याम र ६४ जीबीको आन्तरिक स्टोरेज राखिएको छ । फोनमा रहेको ट्रिपल स्लट कार्ड ट्रेमा दूई ओटा नानो सिम कार्ड र एउटा माइक्रो एसडी कार्डको प्रयोग गर्न सकिन्छ ।

एफथ्रीमा कम्पनीले ३ हजार २ सय एमएएच क्षमताको ब्याट्री जडान गरेको छ । कम्पनीले गरेको परिक्षणमा ब्याट्रीले निरन्तर १५ घण्टा काम गरेको बताइएको छ ।

फोनमा कम्पनीले सलिड स्टेट फिङगर प्रिण्ट रिडर उपलब्ध गराएको छ । प्रयोगकर्ताले यसमा हल्का रुपमा औला हाल्दा फोन सहजै अनलक हुन्छ । फोनमा प्रयोग गरिएको हाइड्रोफोबिक मेम्ब्रेनले उपभोक्ताको औँलामा आद्रता भएको अवस्थामा समेत फिङ्गर प्रिण्टको सफल पहिचान गर्न सघाउँछ ।

रङको उपलब्धता र प्रतिस्पर्धात्मक मूल्य

ओप्पोले नेपाली बजारमा एफथ्रीलाई गोल्ड, रोज गोल्ड र कालो रङमा उपलब्ध गराउने जानकारी दिएको छ । एफथ्रीको गोल्ड भ्यारियण्ट भने बैशाख २३देखि नेपालभरका प्रमुख बजारहरु मार्फत उपलब्ध हुने कम्पनीले जानकारी दिएको छ ।

TK Viber

प्रकाशित: २४ बैशाख २०७४, आईतवार

Comments are closed.

Loading...