पर्यटनबारे जानकारी दिने ‘वेलकम नेपाल’ मोबाइल एप, इन्टरनेट बिना प्रयोग गर्न सकिने

Technology Khabar १० बैशाख २०७४, आईतवार

पर्यटनबारे जानकारी दिने ‘वेलकम नेपाल’ मोबाइल एप, इन्टरनेट बिना प्रयोग गर्न सकिने
Classic Tech
Nepal Telecom

काठमाडौं, १० वैशाख । नेपालका प्रमुख पर्यटकीय गन्तव्यहरु तथा विभिन्न क्रियाकलापहरु समेटिएको नेपाल पर्यटन बोर्डको मोबाइल एप ‘वेलकम नेपाल’ नयाँ वर्ष २०७४ को मौका पारेर पुन सार्वजनिक भएको छ । अन्तराष्ट्रिय र आन्तरिक पर्यटकहरुलाई लक्षित र मुलुकको पर्यटन पर्वद्धन गर्ने उद्देश्यसहित यो मोबाइल एप विकास गरिएको बोर्डले जनाएको छ ।

नेपाल पर्यटन बोर्डका कार्यकारी प्रमुख दीपकराज जोशीले यो मोबाइल एप सम्पूर्ण नभई प्रारम्भिक चरणको रहेको र आगामी दिनहरुमा आइओेएस प्लेटफर्ममा पनि ल्याउने र विभिन्न प्रविधिको विकास गरिदै लगिने बताए । यस एपलाई एक पटक एप डाउनलोड गरिसकेपछि इन्टरनेट बिना पनि प्रयोग गर्न सकिने दाबी गरिएको छ । अद्यावधिक सूचना र जानकारी प्रदान गर्ने हुनाले यसको उपयोगिता बढ्ने बोर्डले अपेक्षा राखेको छ ।

बोर्डका अधिकृत सुदन सुबेदीले यसलाई थप परिमार्जित गरिने र भविश्यमा स्थानियतहमा भएका विभिन्न मेला महोत्सवको बारेमा नोटिफिकेसन पनि आउने गरि बनाईने बताए । उनले यो निरन्तर अपग्रेड भईरहेको भन्दै आगामी दिनमा थप विकास गरिने जानकारी दिए ।
मोबाइल एपमा नेपालका अधिकांश पर्यटकीय गन्तव्य, ट्रेकिङ रुट, लगायत पर्यटनसँग सम्बन्धीत सम्पूर्ण जानकारी प्राप्त गर्न सकिने छ ।

मोबाइल एपमा नेपाली पर्यटनको बारेमा सम्पूर्ण जानकारी राखिएको हुँदा पर्यटन प्रबद्र्धनमा सघाउ पुग्ने बताईएको छ । हाल यो एन्ड्रोइड भर्सन गुगल प्ले स्टोरमा उपलब्ध रहेको बोर्डले जनाएको छ ।

TK Viber

प्रकाशित: १० बैशाख २०७४, आईतवार

Comments are closed.

Loading...