डुअल फ्रण्ट क्यामेरासहितको नयाँ सेल्फी एक्स्पर्ट ओप्पो एफथ्री आउँदै

Technology Khabar ८ बैशाख २०७४, शुक्रबार

डुअल फ्रण्ट क्यामेरासहितको नयाँ सेल्फी एक्स्पर्ट ओप्पो एफथ्री आउँदै
NTC_Advt

काठमाडौं, ८ बैशाख । चीनियाँ स्मार्टफोन कम्पनी ओप्पोले डुअल सेल्फी क्यामेरा स्मार्टफोन ओप्पो एफथ्री (OPPO F3) सार्वजनिक गर्ने तयारी गरेको छ । नयाँ फोनमा उपलब्ध डुअल फ्रण्ट क्यामेराको माध्यमबाट प्रयोगकर्ताले आकर्षक तथा उत्कृष्ट सेल्फीका साथै ग्रुप (सामुहिक) सेल्फी (Group Selfie) समेत निकै सहज तरिकाले लिन सक्ने कम्पनीले जानकारी दियो ।

नेपाल लगायत भारत, भियतनाम, ईन्डोनेसिया, फिलिपिन्स र म्यानमारमा यहि अप्रिल १बाट एफथ्री प्लसको फर्स्ट सेलको शुरुवात गरिएको थियो । सो समयदेखि नै ओप्पोद्वारा ग्रुप सेल्फी ट्रेण्डको शुरुवात गर्नुका साथै यसलाई बढावा दिइरहेको मानिन्छ ।

सार्वजनिक गर्ने तयारीमा रहेको एफथ्रीमा पनि एफथ्री प्लसमा झैँ डुअल फ्रण्ट क्यामेरालाई निरन्तरता दिइएको छ । डुअल सेल्फी क्यामेरा मध्ये एक ब्यक्तिगत सेल्फीका लागि र अर्कोमा ग्रुप सेल्फीका लागि डिजाइन गरिएको वाइड एङ्गल क्यामेरा उपलब्ध गरिएको छ । साधारण सेल्फी क्यामेराका तुलनामा एफथ्रीमा यसमा दोब्बर फराकिलो फिल्ड अफ भ्यू (Field of View) उपलब्ध गरिएको कम्पनीले जानकारी दिएको छ ।

एफथ्रीमा प्रयोगकर्तालाई फोन चलाउँदा गुणस्तरिय तथा उत्कृष्ट अनुभवका माध्यमबाट सन्तुष्टि प्रदान गर्ने सोचका साथ उच्च प्रदर्शनी (हाइ पर्फरमेन्स) हार्डवेयर र अनुकूलित (अप्टिमाइज्ड) सफ्टवेयरपनि उपलब्ध हुने जानकारी दिइएको छ  ।

नयाँ फोनको माध्यमबाट ओप्पोले भ्रमणमा निस्कँदा सेल्फी खिच्नका लागि सेल्फी स्टिक बोक्नै पर्ने झञ्झटबाट छुटकारा दिने उद्देश्य बोकेको छ । ‘सेल्फी एक्स्पर्ट’ एफ सिरिज अन्तर्गतको नयाँ एफथ्रीको उत्कृष्ट ग्रुप सेल्फी, विकृति न्यूनिकरण (डिस्टोर्सन मिनिमाइजिङ) फिचर्स र ब्यूटिफाई फञ्शनले सेल्फी क्रान्तिको अग्रणी तथा फोन क्यामेरा उद्योगको प्रतिनिधित्व गर्दै प्रयोगकर्तालाई फराकिलो ‘फिल्ड अफ भ्यू’को साथमा ग्रुप सेल्फी लिन सघाउने कम्पनीको भनाई छ ।

‘सेल्फी तथा ग्रुप सेल्फीले विशेष गरी यूवा पुस्ताको सामाजिकिकरण तथा उनीहरुको अन्तरक्रिया गर्ने तरिकाको प्रतिनिधित्व गर्छ’, ओप्पोका उपाध्यक्ष तथा ईन्टरनेशनल मोबाइल बिजनेशका प्रबन्ध निर्देशक, स्काइ लीले भने, ‘नयाँ सेल्फी एक्स्पर्ट एफथ्रीले सेल्फी तथा ग्रुप सेल्फीलाई थप प्राकृतिक, सुन्दर र मुख्यतः तस्विर खिच्न थप सहजता प्रदान गर्नेछ ।’

एफथ्रीको साथमा नेपालमा पनि ग्रुप सेल्फीको नयाँ ट्रेण्डको शुरुवात हुने आशा कम्पनीले गरेको छ।

डुअल सेल्फी फ्रण्ट क्यामेरा सहितको एफ सिरिजले क्यामेरा हार्डवेयर तथा सेल्फी फोटोग्राफीलाई एक कदम अघि बढ्दै नयाँ उचाई प्रदान गर्ने कम्पनीले जनाएको छ ।

TK Viber

प्रकाशित: ८ बैशाख २०७४, शुक्रबार

Loading...