नयाँ आइफोन ८ मा ट्रू टोन डिस्प्ले प्रविधि, थ्रीडी सेन्सर पनि प्रयोगमा

Technology Khabar २१ चैत्र २०७३, सोमबार

नयाँ आइफोन ८ मा ट्रू टोन डिस्प्ले प्रविधि, थ्रीडी सेन्सर पनि प्रयोगमा

काठमाडौं, २१ चैत । एप्पलले नयाँ आइफोन सन् २०१७ भित्रै सार्वजनिक गर्ने तयारी गरिरहँदा यसको बारेमा विभिन्न समाचारहरु आई नै रहेका छन् । कम्पनीले यो वर्षभित्र तीनवटा नयाँ आइफोनहरु ल्याउने तयारी गरिरहेको छ ।

हालै आएको एक रिपोर्टअनुसार एप्पलले तीनवटै नयाँ आइफोनहरुमा ट्रू टोन डिस्प्ले प्रविधि प्रयोग गर्ने योजना लिएको छ । यो नयाँ डिस्प्ले प्रविधि आइफोन सेभेन एस, आइफोन सेभेन एस प्लस तथा आइफोन एसमा राखिनेछ ।

यस्तो प्रविधिसहितको डिस्प्ले यसअघि एप्पलले आइप्याड प्रो ९.७ इन्चमा प्रयोग गरिसकेको छ ।

यो नयाँ रिपोर्टअनुसार एप्पलले आइफोन ८ मा फेसियल रिकोग्निसन र अग्यूमेन्टेड रियालीटीका फिचरका लागि थ्रीडी सेन्सर राख्ने अपेक्षा गरिएको छ ।

त्यसैगरि विभिन्न विश्लेषकहरुकाअनुसार यो वर्ष आउने नयाँ आइफोनहरुमा सबैकिसिमका सेन्सरहरु रहनेछन् । यसमा ट्रू कलर डिस्प्ले लागि प्रयोग हुने एम्बिएन्ट लाइट सेन्सर हुनेछ, जून अस्ट्रीयन सेमिकण्डक्टर उत्पादक कम्पनी एएमएसले आपूर्ति गर्नेछ ।

यसअघि नै एप्पलले ट्रू टोन डिस्प्ले प्रविधि आइफोन सेभेन तथा आइफोन सेभेन प्लसमा नै राख्ने अपेक्षा गरिएको थियो ।

यसका साथै नयाँ आउने आइफोन एटमा ओएलईडी डिस्प्ले प्रयोग हुनेछ भने यसमा दुईवटा कटम थ्रीडी सेन्सरहरु हुनेछन् ।

माध्यम

प्रकाशित: २१ चैत्र २०७३, सोमबार

Comments are closed.

Loading...