एन्ड्रोयड वानको नयाँ स्मार्टफोन ‘जीएम ६’, एन्ड्रोयड नुगट ७.० मा आधारित

Technology Khabar १८ फाल्गुन २०७३, बुधबार

एन्ड्रोयड वानको नयाँ स्मार्टफोन ‘जीएम ६’, एन्ड्रोयड नुगट ७.० मा आधारित
Classic Tech

काठमाडौं, १८ फागुन । कुनै बेला गूगलको एन्ड्रोयड वान (Android One) स्मार्टफोनको निकै चर्चामा रहेको छ । गूगलले पहिलो अपडेटको प्राथमिकता दिँदै सार्वजनिक गरेको एन्ड्रोयड वान स्मार्टफोन नेपाली बजारमा पनि भित्रिएको थियो । भारतमा सार्वजनिक भएको निकै समय पछि मात्र नेपालमा आएको यो स्मार्टफोन अहिले कुन अवस्थामा छ भन्ने बारेमा कसैलाई जानकारी नै छैन् ।

अहिले फेरी एन्ड्रोयड वान नाममा नयाँ फोन मोबाइल वल्र्ड कंग्रेसमा सार्वजनिक भएको छ । तर यो फोन टर्किस उत्पादक जनरल मोबाइलले जीएम ६ (GM6) नाममा सार्वजनिक गरेको हो । एन्ड्रोयड वानको नयाँ फोनमा ५ इन्चको एचडी डिस्प्ले राखिएको छ भने १.५ गिगाहर्जको मिडियाटेक एमटी ६७३७टी क्वाड कोर प्रोसेसर रहेको छ । फोनमा ३ जीबीको र्याम तथा ३२ जीबीको आन्तरिक स्टोरेज उपलब्ध छ ।

फोटोका लागि यो फोनमा १३ मेगापिक्सेलको रियर क्यामरा तथा ८ मेगापिक्सेलको फ्रन्ट फेसिंग क्यामरा राखिएको छ ।
जीएम ६ एन्ड्रोयड वान स्मार्टफोनको मोटाइ ८.६ मिलिमीटर छ भने यसको तौल १५० ग्रामको छ । एन्ड्रोयडको पछिल्लो अपरेटिंग सिस्टम नुगट ७.० भर्सनमा आधारित यो फोनमा ३,००० एमएएचको ब्याट्री प्याक राखिएको छ ।

फोनको होम बटनमा नै फिंगरप्रिन्ट सेन्सर राखिएको छ भने यसको मूल्य र उपलब्धताको बारेमा कुनै जानकारी छैन् ।

TK Viber

प्रकाशित: १८ फाल्गुन २०७३, बुधबार

Loading...