मोबाइल कम्प्लेक्सको थ्रीजीसँग फोरजी फोन साट्ने अफर भ्यालेन्टाइन डेसम्म

Technology Khabar २३ माघ २०७३, आईतवार

मोबाइल कम्प्लेक्सको थ्रीजीसँग फोरजी फोन साट्ने अफर भ्यालेन्टाइन डेसम्म
Classic Tech
Nepal Telecom

काठमाडौं, २३ माघ । ललितपुर मोबाइल कम्प्लेक्सले यहि माघ २२ गते समापन भएको मोबाइल एक्स्पो २०१७ को अफरलाई निरन्तरता दिएको छ । कम्प्लेक्सले आफ्ना नियमित ग्राहकहरुलाई ‘थ्रीजी स्मार्टफोन ल्याउनुहोस् फोरजी स्मार्टफोन लानुहोस्’ अफर भ्यालेन्टाइन डेसम्मका लागि निरन्तर दिने जानकारी दिएको छ ।

यो अफरमा ग्राहकहरुले आफ्नो थ्रीजी स्मार्टफोन साटेर नयाँ ब्राण्डेड फोरजी फोन लान सक्नेछन् । त्यसको लागि कम्प्लेक्सले अनुभवी तथा दक्ष भ्यालूएटर राखेर थ्रीजी फोनको मूल्य कायम गर्नेछ भने ग्राहकहरुले आफ्नो पुरानो प्रविधि भएको फोनको साटो नयाँ फोरजी फोन एक्स्चेन्ज गर्न सक्ने कम्पनीले जनाएको छ ।

आफ्ना नियमित ग्राहकहरुका लागि ‘थ्रीजी स्मार्टफोन ल्याउनुहोस् फोरजी स्मार्टफोन लानूहोस’ अफर निरन्तरता दिएको कम्प्लेक्सका अध्यक्ष पुरुषोत्तम बस्नेतले जानकारी दिए । ‘यो अफरको लागि ग्राहकहरुले अत्यधिक सोधखोज गरेका छन् र अवधि थप गर्न आग्रह गरेका छन्,’ उनले भने, ‘त्यसैले हामीले रेगुलर ग्राहकहरुका लागि यो अफरलाई कन्टिन्यू गरेका छौंं ।’

कम्प्लेक्सले ‘एउटा मोबाइल किन्दा अर्को मोबाइल फ्रि’ अफर तथा ५ देखि ७० प्रतिशतसम्मको छुटलाई फेब्रुअरी १४ तारिख अर्थात भ्यालेन्टाइन डेसम्मका लागि लागू गरेको विज्ञप्तिमा उल्लेख छ ।

TK Viber

प्रकाशित: २३ माघ २०७३, आईतवार

Loading...