एउटा भन्दा २ वटा क्यामरा अझ उत्कृष्ट हुनुको ६ कारणहरु !

काठमाडौं ।

काठमाडाैं, २७ मंसिर । विश्व बजारमा प्रिमियम स्मार्टफोनहरुमा डुअल क्यामरा एउटा स्तर मापनको तह भईसकेको छ । डुअल क्यामरा फोनहरु विभिन्न ब्राण्डमा आईसकेका छन् र हामीले विश्वका उत्कृष्ट र लोकप्रिय स्मार्टफोनहरुमा डबल क्यामरा देखेका थियौं, ह्वावे पी ९ (Huawei P9) त्यहि मध्ये एक हो, जसले प्रतिष्ठित क्यामरा ब्राण्ड Leica सँग सम्झौता गरी प्रयोगकर्ताहरुका लागि पहिलो पटक डुअल क्यामरा फोन ल्याएको थियो । स्मार्टफोन प्रेमीहरुका मनमा जागेका केही प्रश्नहरु– यो डुअल क्यामराले के काम गर्छ ?

त्यसो भए एकभन्दा दुई किन उत्कृष्ट ? विश्वभरका उपभोक्ताहरु डुअल क्यामराको मोहमा किन परिरहेका छन् भन्ने कुरा बुझ्नलाई निम्न उल्लिखित कुराहरु पढ्नुहोस् र प्रिमियम प्राइज ट्याग बिना प्रिमियम डुअल क्यामराको मजा कसरी प्राप्त गर्न सक्नुहुन्छ भनेर थाहा पाउनुहोस् ।

१. अतिरिक्त तौल बिना अतिरिक्त सेन्सर

स्मार्टफोनहरुले उच्चस्तरीय डीएसएलआर dSLR सरहको क्यामरा प्रयोग गर्न नसक्नुको प्रमुख कारण स्मार्टफोनको साइज रहेको छ । हाम्रो खल्तीमा फिट हुने उक्त उपकरणले राम्रो फोटो निकाल्नको निमित्त ठूलो सेन्सर एरिया चाहिने हुन्छ, जुन सानो उपकरणमा राख्न निकै कठीन हुन्छ । तर यी सब कुरालाई डुअल क्यामराले परिवर्तन गरेको छ । दुई वटा क्यामरा अर्थात् बढी सेन्सर एरिया, जसले बढी पिक्सल् डाटा र डिटेल कैद गर्दछ । त्यसै कारणले गर्दा डुअल क्यामराले उत्कृष्ट एचडीआर मोड, बढी डाइनामिक रेञ्ज, उत्कृष्ट लो–लाइट फोटो तथा छिटो र दुरुस्त अटो–फोकस प्रदान गर्दछ – त्यो पनि स्मार्टफोनको डिजाइन, पर्फमेन्स र बजेटसँग सम्झौता नगरी !

२. कुनै पनि लाइटमा उत्कृष्ट पर्फमेन्स

हालसम्म स्मार्टफोनहरुले राम्रो लाईट नभएको समयमा जस्तै रातीको समय, घर भित्र भएको समयमा उत्कृष्ट फोटोको लागि अप्टिकल इमेज स्टेबलाइजेसन Optical Image Stabilization (OIS) मा भर परेका थिए । OIS ले लामो समयसम्म सटरलाई खुल्ला राखेर हल्का र अन्जानमा हातको चालले गर्दा आउने धमिलो फोटाहरुलाई कम गर्न मद्दत गर्दछ । तर OIS पूर्ण उत्कृष्ट भने छैन । यदि तपाईं कम लाइटमा हल्लिएको वस्तुको फोटो लिदैं हुनुहुन्छ भने OIS ले हल्लिएको हात र तपाईंको सटमा रहेको वस्तु दुवैको भरपाई गर्न सक्दैन । यस्तो बेला डुअल क्यामराले निकै नै महत्वपूर्ण भूमिका निर्वाह गर्छ । यसमा भएको ठूलो सेन्सर एरियाले बढी लाइट लिन सक्दछ र डुअल क्यामराको प्रयोगकर्ताहरुले घाम अस्ताए पछि पनि भित्र र बाहिर दुवैमा उत्कृष्ट फोटो लिन सक्नेछन् ।  

३. गुणस्तरमा डबल तर मूल्यमा हैन

स्मार्टफोन फोटोग्राफीको यस नयाँ युगमा डुअल क्यामराले नयाँ आयामको प्रारम्भ गरेको छ र सबैभन्दा उत्साहित कुरा अब तपाईंले दुई वटा क्यामराको लागि दोब्बर खर्च गर्नु पर्दैन । डुअल क्यामरा अब प्रिमियम डिभाइसहरुमा तपाईं कै बजेटमा प्राप्त गर्न सक्नुहुन्छ, जुन ह्वावे जस्ता ईण्डष्ट्रीज अग्रणीले गर्दा सम्भव भएको छ । ह्वावेको विषेश समाचार अनुसार अर्को जेनेरेशनको जीआर ५ (GR5) मा पनि डुअल क्यामरा हुने कुरा जनाइएको छ । आफ्नै बजेटमा डुअल क्यामरा पाए पछि अब तपाईंहरुले पावर र असीमित सम्भावनाहरुको मजा लिन सक्नुहुन्छ ।

४. रियल र अप्टिकल जुम

सिंगल क्यामरा भएको स्मार्टफोनमा डिजिटल जुमको प्रयोग गरिएको हुन्छ, जब कि डुअल क्यामरा स्मार्टफोनमा रियल र अप्टिकल दुइटा छुट्टा–छुट्टै लेन्सहरु हुन्छन् । यसको फरक के हो त ? डिजिटल जुमले तपाईंले फोटो खिचे पछि ठूलो बनाउने कार्य गर्दछ, मात्र फरक यो छ कि यसले रियल टाइममै फोटो ठूलो बनाउँछ । अर्को तर्फ अप्टिकल जुम भनेको लेन्सले फोकल लेन्थ मिलाउने र वस्तुलाई नजिक ल्याउने प्रविधिको संयोजन हो, जुन अनुभवी फोटोग्राफरहरुले जुम गर्दा प्रयोग गर्छन् । डुअल क्यामरा स्मार्टफोनले पनि आफ्नो दुइटा लेन्स उपयोग गरी इमेजको रेजाेल्यूशनमा सम्झौता नगरी उत्कृष्ट र डिटेल्ड क्लोजअप फोटो खिच्छ ।

५. असली बाेकेह (Bokeh) इफेक्ट

डुअल क्यामरा प्रेमीहरुले सबैभन्दा बढी रुचाउने इफेक्ट भनेकै बोकेह (Bokeh) इफेक्ट हो, जसले एकभन्दा बढी लेन्सहरुको मद्दतले ब्याकग्राउण्डलाई धमिलो बनाई आफूले रोजेको वस्तुलाई फोकसमा राखी शार्प बनाउँदछ । बोकेहको धेरै प्रयोग मुख्य गरी प्रोफेसनल फोटोग्राफी (विशेष गरी वन्यजन्तु र चित्र फोटोग्राफर) मा प्रयोग हुने गर्दछ । तर एउटा मात्र क्यामरा भएको स्मार्टफोनमा यो इफेक्ट प्रभावकारीरुपमा लागू हुँदैन । केहि स्मार्टफोनमा भएका एप्सहरुले बोकेह इफेक्ट प्रदान गरे तापनि उक्त इफेक्टले डुअल क्यामराले जस्तो सुरुदेखि नै रियल डेप्थ, लेयर र कन्ट्राष्ट प्रदान गरी धमिलो ब्याकग्राउण्ड प्रदान गर्न सक्दैन । परिणामस्वरुप तपाईंले उत्कृष्ट सटहरुको लागि रमाइलो र सिर्जनात्मक फोटोग्राफी पाउनु हुनेछ । स्मार्टफोन प्रेमीहरुका लागि अब स्मार्टफोन छनौट गर्नलाई डुअल क्यामराले एउटा नयाँ दुनियाँ उपलब्ध गराएको छ ।

६. असिमित सम्भावनाहरु

टेक्नोलोजिमा संलग्न रहेका दिग्गजहरुले नयाँ फोटो एप्सहरुको तीव्र गतिले उदाउने अपेक्षा गरेका छन्, जसले दुईवटा लेन्सको मद्दतले डाटाको भि पावर कैद गरी थ्रीडी इफेक्ट र तत्काल gifs निकाल्ने छ । हामीले विग्लिग्राम “wigglegram” एप्सको बढ्दो लोकप्रियता देखिसकेका छौं, जसले प्रत्येक क्यामरामा रहेको बिच भागको स्थानमा थोरै भिन्नता ल्याइ चलिरहेको चित्र निकाल्दछ, जसले गर्दा थ्रीडी इमेज हेरेको आभाष हुन्छ । इन्ष्टाग्राम प्रयोगकर्ताले यसबाट गर्न मिल्ने अनेक विषयको सम्भावनाको अनुभूति पहिले नै गरिसकेको छ ।