नेपालमा पनि ब्ल्याक फ्राइडे मनाईँदै, अनलाइनमा सामाग्री खरिद गर्दा छुटैछुट

Technology Khabar १० मंसिर २०७३, शुक्रबार

नेपालमा पनि ब्ल्याक फ्राइडे मनाईँदै, अनलाइनमा सामाग्री खरिद गर्दा छुटैछुट
Classic Tech

काठमाडौं, १० मंसिर । विश्वभर अहिले ब्ल्याक फ्राइडेको (Black Friday) चर्चा र आकर्षण शुरु भएको छ । विशेषगरि ईकमर्श  साइटहरुले ब्ल्याक फ्राइडेको अवसर पारेर अर्बौं रुपैंयाको व्यापार गर्ने गर्दछन् ।

ब्ल्याक फ्राइडे अहिले व्यापार गर्ने मुख्य दिन र उत्सवको रुपमा विश्वभर मनाइन लागेको छ । यस वर्ष ब्ल्याक फ्राइडे अाज नोभम्बर २५ तारिख, शुक्रबार परेको छ । नेपालमा पनि ब्ल्याक फ्राइडे अनलाइनमा यहि वर्षदेखि शुरु हुन लागेको छ जसमा विभिन्न सामाग्रीहरुमा अत्यधिक छुट दिएर बिक्री गर्ने गरिन्छ ।

नेपालमा यसअघि यो दिनको बारेमा चर्चा भएपनि नेपालीहरुले यसको अनुभव गर्न पाएका थिएनन् तर अनलाइन सपिंगको आगमनसँगै नेपालमा पनि ब्ल्याक फ्राइडेको चर्चा निकै अगाडि आएको छ ।

विश्वभर इकमर्श साइटहरुले यो दिनलाई भव्यरुपमा मनाएर बिक्री प्रबद्र्धन गर्ने गर्दछन् । यो दिन वर्षकै सवाधिक सामाग्री बिक्री गरिने दिनको रुपमा कम्पनीहरुले लिएका हुन्छन् ।

नेपालमा भने एउटा ईकमर्श साइट केमूले आफ्नो अनलाइनबाट नियमित छुट दिने भन्दा अधिक छुट दिएर ब्ल्याक फ्राइडेलाई उत्सवको रुपमा मनाउने तरखर गरेको छ । कम्पनीले नेपालमा पहिलो पटक ब्ल्याक फ्राइडे आयोजना गर्न लागेको दाबी गरेको छ ।

कम्पनीले ब्ल्याक फ्राइडे यहि शुक्रबारदेखि आगामी २८ नोभेम्बरसम्म आयोजना गर्न लागेको हो । कम्पनीका एक कर्मचारीले नाम नबताउने शर्तमा यो अवसरमा ७५ प्रतिशतसम्म विशेष छुट दिने जानकारी दिए । उनले भने, ‘हामीले ब्ल्याक फ्राइडेको अवसरमा विभिन्न सामानहरुमा ७५ प्रतिशतसम्म छुट दिएका छौं ।’ तर न्यूनतम छुट कति प्रतिशत छ र के के सामाग्री बिक्रीमा राखिन्छन भनेर उनले जानकारी दिन भने चाहेनन् ।

अन्य नेपाली ईकमर्श साइटहरुले भने यो दिनमा कुनै विशेष योजना ल्याएको देखिएको छैन् । हाल विशेषगरि इलेक्ट्रोनिक्स सामाग्रीहरु यस्तो विशेष छुटको अवसरमा अधिक बिक्री हुने गरेको देखिन्छ ।black-friday-deals

के हो ब्ल्याक फ्राइडे

ब्ल्याक फ्राइडे अमेरिका, क्यानाडालगायतका देशहरुमा मनाइने थ्याङ्कस गिभिङ् डे/Thaksgiving Day (धन्यवाद दिवस) को लगत्तै आउने दिन हो । थ्याङ्कस गिभिङ् डे इसाईहरुको एउटा प्रमुख चाड हो । यो अमेरिका र क्यानाडामा मनाइन्छ । अमेरिकामा यो नोभेम्बरको चौथो बिहिबार र क्यानडामा दोस्रो सोमबार पर्दछ । त्यसदिन सबै सरकारी कार्यालयहरु बिदा हुन्छन् । धेरैजसो कामदारले बिदा पाउँछन् ।

यो दिवस फसल (बाली) फलेको खुसीयालीमा मनाइने गरिन्छ । यो भगवानलाई धन्यवाद दिन मनाउन थालिएको चाड हो । अमेरिकामा थ्याङ्कसगिभिङ् डेको भोलिपल्ट शुक्रबार पर्छ । उक्त शुक्रबारलाई ब्ल्याक फ्राइडे भनिन्छ । उक्त दिन धेरै पसलहरुले सामान निकै सस्तोमा बेच्छन् । यो अमेरिकामा सबैभन्दा बिक्रि हुने दिन पनि हो ।

सन् १९३२ देखि अमेरिकामा यसलाई क्रिसमसको किनमेलको शुरुवाती दिनको रुपमा मानिन्छ र अधिकांश खुद्रा व्यापारीहरुले बिहानैदेखि मध्यरातसम्म पसल खोल्ने र विशेष छुट वा अफर प्रदान गर्दै प्रबद्र्धनात्मक बिक्री गर्दछन् । ब्ल्याक फ्राइडे औपचारिक बिदाको दिन होइन्, तर क्यालिफोर्निया तथा अन्य अमेरिकी राज्यहरुमा धन्यवाद दिवसको लगत्तैको दिनमा सरकारी कर्मचारीहरुलाई बिदा दिने प्रचलन छ । ब्ल्याक फ्राइडे वर्षकै सबैभन्दा बढि अनलाइन बिक्री हुने दिन हो ।

गत वर्ष ब्ल्याक फ्राइडेको सप्ताहमा मात्रै करिब ५० अर्ब अमेरिकी डलर बराबरको कारोबार भएको थियो ।

अब तपार्इँपनि ब्ल्याक फ्राइडेमा सस्ताे मूल्यमा चाहेकाे सामान किन्ने हाे कि ?

 

TK Viber

प्रकाशित: १० मंसिर २०७३, शुक्रबार

Loading...