सिजीको इओन कर्भ बजारमा, मार्शमाल्लो ६.० मा आधारित इन्ट्रि लेभलको स्मार्टफोन

Technology Khabar २० आश्विन २०७३, बिहीबार

सिजीको इओन कर्भ बजारमा, मार्शमाल्लो ६.० मा आधारित इन्ट्रि लेभलको स्मार्टफोन
Classic Tech
Nepal Telecom

काठमाडौं, २० असोज । सिजी मोबाइल्सले नेपाली बजारमा सिजी इओन कर्भ (CG EON Curve) स्मार्टफोन सार्वजनिक गरेको छ । कम्पनीले इन्ट्रि लेभलको स्मार्टफोनको रुपमा बजारमा ल्याएको यो फोन निकै सस्तो मूल्यमा सार्वजनिक गरेको छ । यसको मूल्य रु. ४,८९९/- तोकिएको छ ।

यो स्मार्टफोनको विशेषता भनेको इन्ट्रि लेभलको फोन भएर पनि एन्ड्रोयड मार्शमाल्लो ६.० भर्सनको अपरेटिंग सिस्टम राखिएको छ ।

सिजी इओन कर्भ स्मार्टफोनमा ४ इन्चको डब्लूभिजीए स्क्रीन रहेको छ भने यो स्मार्टफोन १.२ गीगाहर्जको क्वाड कोर प्रोसेसरद्धारा संचालन हुन्छ । यसमा ५१२ एमबीको र्याम तथा ४ जीबीको आन्तरिक स्टोरेज राखिएको छ ।

फोटोका लागि यो स्मार्टफोनमा ५ मेगापिक्सेलको रियर क्यामरा तथा २ मेगापिक्सेलको फ्रन्ट फेसिंग क्यामरा राखिएको छ । ब्ल्याक एण्ड गोल्डेन तथा ग्रे कलरमा उपलब्ध हुनेछ ।

“सिजी इओन कर्भ स्मार्टफोन आम मानिसहरुका लागि ल्याएको हो, जो स्मार्टफोनमा अपग्रेड हुन चाहन्छन् ।” सिजी मोबाइल्सका बिजनेस यूनिट हेड रमेश श्रेष्ठले भने । कम्पनीले निकै सस्तो मूल्यमा ल्याएको यो फोनमा फेसबुक, ट्विटरलगायतका सोसल साइट पनि चलाउन सकिने श्रेष्ठले बताए ।

यो फोनमा जी सेन्सर पनि राखिएको कम्पनीले जनाएको छ । कम्पनीले आगामी दिनमा थप मोडलहरुपनि सार्वजनिक गर्ने जारी विज्ञप्तिमा छ ।

TK Viber

प्रकाशित: २० आश्विन २०७३, बिहीबार

Comments are closed.

Loading...