सामसंग ग्यालेक्सी एस एट तालिका भन्दा अगाडि नै सार्वजनिक हुनसक्ने

Technology Khabar ३० भाद्र २०७३, बिहीबार

सामसंग ग्यालेक्सी एस एट तालिका भन्दा अगाडि नै सार्वजनिक हुनसक्ने
Classic Tech

काठमाडौं, ३० भदौ । सामसंगले आफ्नो नयाँ फ्ल्यागशिप स्मार्टफोन ग्यालेक्सी एस एटको (Galaxy S8) तयारी गरिरहेको विभिन्न जानकारीहरु आएका छन् । कम्पनीले आफ्नो नियमित तालिकाअनुसार आगामी वर्षको मोबाइल वल्र्ड कंग्रेसमा सार्वजनिक गर्ने गरेको एस सिरिजको फोनअन्तरगतको ग्यालेक्सी एस एटको दुईवटा भर्सन देखिएको छ ।

कम्पनीको नयाँ फोनको एसएम-जी९५० (SM-G950) तथा एसएम-जी९५५ (SM-G955)मोडल नम्बर सार्वजनिक भएको छ । कम्पनीले केहि समय अघि मात्र सार्वजनिक गरेको आफ्नो फ्ल्यागशिप स्मार्टफोन ग्यालेक्सी नोट सेभेनमा (Galaxy Note 7) गंभिर समस्या भोगिरहेको बेलामा नयाँ फ्ल्यागशिपको चर्चा शुरु भईसकेको छ ।

सामसंगले हालको नोट सेभेनको समस्याबाट पार पाउन र यसको घाटालाई पूर्ति गर्न आफ्नो नियमित समय भन्दा अगाडि नै ग्यालेक्सी नोट एट सार्वजनिक गर्ने जानकारीहरु सार्वजनिक भएका छन् । कम्पनीले हाल ग्यालेक्सी नोट सेभेन बजारबाट फिर्ता गर्दा निकै घाटामा भएको हुँदा नियमित समय भन्दा अगाडि नै ग्यालेक्सी एस एट सार्वजनिक गर्ने अनुमान गरिएको छ ।

कम्पनीले हाल ग्यालेक्सी नोट सेभेनको बिक्रिमा रोक लगाएको छ भने विश्वभर ग्यालेक्सी नोट सेभेनलाई पड्किने स्मार्टफोनको उपाधि दिईएको छ । यो समस्याबाट मुक्त हुन पनि कम्पनीले ग्यालेक्सी एस एट सार्वजनिक गर्नसक्ने विश्लेषकहरुले बताएका छन् ।

कम्पनीले कोरियामा यहि सेप्टेम्बर १९ देखि नोट सेभेनको पुन बिक्री शुरु गर्ने योजना गरेको छ । तर विश्लेषकहरुले भने नोट सेभेनको पुन बिक्रीमा रकम खर्च गर्नुभन्दा नयाँ फ्ल्यागशिप ल्याएर बजारमा जानु ठिक हुने बताएका छन् ।

माध्यम १ माध्यम २

TK Viber

प्रकाशित: ३० भाद्र २०७३, बिहीबार

Loading...