सामसंगको ग्यालेक्सी नोट सेभेन नेपाल आउँदै, क्यान कमटेकमा पहिलो प्रदर्शनी

Technology Khabar १७ भाद्र २०७३, शुक्रबार

सामसंगको ग्यालेक्सी नोट सेभेन नेपाल आउँदै, क्यान कमटेकमा पहिलो प्रदर्शनी
Classic Tech

काठमाडौं, १७ भदौ । सामसंगको प्रिमियम फ्ल्यागशिप फोन ग्यालेक्सी नोट सेभेन नेपालमा आउने भएको छ । सामसंगले नेपाली बजारमा करिब एक महिना ढिलो गरि फोन ल्याउने भएको हो ।

विश्वको यो वर्ष सार्वजनिक भएका चर्चित स्मार्टफोनहरु मध्येको एक यो स्मार्टफोन नेपालमा कहिले आउने वा नआउने भन्ने निकै चर्चा चलिरहेको थियो । छिमेकी मुलुकहरु भारत र चीनमा पनि औपचारिकरुपमा सार्वजनिक भएको र खरिदका लागि उपलब्ध रहेको यो स्मार्टफोन नेपाली बजारमा सार्वजनिक हुन सकेको थिएन् ।

तर करिब एक महिनापछि भएपनि सामसंगले ग्यालेक्सी नोट सेभेन बजारमा ल्याउन लागेको हो । यसअघि नै सामसंग नेपालका एक अधिकारी यो स्मार्टफोन बजारमा कहिले आउने भन्ने टुंगो नभईरहेको बेला सेप्टेम्बरको तेस्रो सातासम्म आउने जानकारी दिएका थिए ।

यो स्मार्टफोन अब भने नेपाल आउने पक्का भएको छ । यसको ठोस प्रमाण हो क्यान महासंघद्धारा क्यान कमटेक २०१६ (CAN CommTech2016) को लागी जारी विज्ञप्ति । सामसंगले सहकार्य गर्न लागेको क्यान कमटेक २०१६ प्रर्दशनीको अवसर पारेर सामसंगले नेपालमा ग्यालेक्सी नोट सेभेन ल्याउने भएको छ । विज्ञप्तिमा सामसंगले हालै विश्व बजारमा चर्चामा रहेको ग्यालेक्सी नोट सेभेन प्रदर्शनीमा राख्ने उल्लेख गरिएको छ । क्यान कमटेक २०१६ यहि भदौ २३ गते अर्थात सेप्टेम्बर ८ तारिखदेखि काठमाडौंमा आयोजना हुँदैछ ।

विज्ञप्तिमा भनिएको छ, “सुबिसु क्यान कमटेक २०१६ इन एसोसिएसन विथ सामसुङ” का एशोसिएट स्पोन्सर सामसुङले नेपालका लागि special feature Turbo speed technology, S-bike mode, ultra data saving mode, ultra power saving mode भएको J-Series  का फोनहरु प्रदशन गर्ने छ । मुख्य आकर्षणको रूपमा अवलोकनकर्ताहरुले नेपालमा पहिलो पटक सामसुङको नयाँ flagship phone Note 7  अनुभव गर्न सक्नुहुने छ साथै सामसुङको Virtual Reality Device (Gear VR) को रोचक अनुभब पनि लिन सक्नुहुने छ ।”

यसको अर्थ सामसंगले क्यान कमटेक २०१६ मा यो स्मार्टफोन प्रदर्शनीमा राखेपनि यो फोन खरिद गर्न भने केहि समय कुर्नुपर्ने हुनसक्दछ । कम्पनीका अधिकारीले भने अनुसार सेप्टेम्बर तेस्रो सातादेखि मात्र खरिद गर्न सकिने र त्यो भन्दा अगाडि प्रि बुकिंग मात्र गर्न सकिने अनुमान गर्न सकिन्छ ।

प्रकाशित: १७ भाद्र २०७३, शुक्रबार

Comments are closed.

Loading...