जियोनीको एम सिक्स तथा एम सिक्स प्लस सार्वजनिक, डाटाका लागि छुट्टै चीप सुरक्षा

Technology Khabar १२ श्रावण २०७३, बुधबार

जियोनीको एम सिक्स तथा एम सिक्स प्लस सार्वजनिक, डाटाका लागि छुट्टै चीप सुरक्षा

काठमाडौं, १२ साउन । जियोनीले हालै नयाँ स्मार्टफोन विश्व बजारमा सार्वजनिक गरेको छ । कम्पनीले मेटल क्ल्याड डुओ भएको नयाँ स्मार्टफोन जियोनी एम सिक्स (Gionee M6) तथा एम सिक्स प्लस (M6 Plus) सार्वजनिक गरेको हो ।

कम्पनीले सार्वजनिक गरेका दुबै फोनहरु व्यवसाय गर्ने मानिसहरुलाई लक्षित गरेर ल्याईएको बताईएको छ । त्यसैले यसमा डेडिकेटेड सेक्यूरिटी चीप राखिएको छ, जसले प्रयोगकर्ताहरुको डाटा सुरक्षा गर्न १० लेयरको सुरक्षा घेरा बनाउँछ । यसमा फिंगरप्रिन्ट रिडर मात्र सुरक्षाको लागि प्रयोग गर्न सकिन्छ ।

जियोनी एम सिक्स

जियोनी एम सिक्स स्मार्टफोन जून सानो फोन भनेर चिनाईएको छ, यसमा ५.५ इन्चको एचडी एमोलेड स्क्रिन राखिएको छ । यो स्मार्टफोनमा ४ जीबी र्याम छ भने ३२ जीबी, ६४ जीबी र १२८ जीबी आन्तरिक स्टोरेज राखिएको छ । जियोनी एम सिक्समा ५,००० एमएएचको ब्याट्री रहेको छ ।Gionee M6

यो स्मार्टफोन १.८ गीगाहर्जको अक्टा-कोर प्रोसेसरद्धारा संचालन हुन्छ भने यसमा ड्यूल एलईडी फ्ल्याशसहितको १३ को रियर क्यामरा राखिएको छ । त्यस्तै यसमा ८ मेगापिक्सेलको सेल्फि सूटर राखिएको छ । यसमा पछाडिको भागमा फिंगरप्रिन्ट रिडर पनि राखिएको छ ।

जियोनी एम सिक्स प्लस

जियोनीको एम सिक्स प्लसमा ठूलो साइजको ६ इन्चको फूल एचडी एमोलेड डिस्प्ले राखिएको छ, यसको पिक्चर रिजोल्यूशन १०८० पिक्सेल रहेको छ । यो स्मार्टफोनमा पनि ४ जीबीको र्याम छ भने यसमा ६४ जीबीको स्टोरेज अप्सन मात्र राखिएको छ । जियोनी एम सिक्स प्लसमा ६,०२० एमएएचको ब्याट्री रहेको छ ।

यो स्मार्टफोन २.० गीगाहर्जको अक्टा-कोर प्रोसेसरद्धारा संचालन हुन्छ भने यसमा जियोनी एम सिक्सको जस्तै १३ मेगापिक्सेलको रियर क्यामरा छ भने पछाडिको भागमा फिंगरप्रिन्ट रिडर राखिएको छ ।Gionee M6_01

जियोनीले सार्वजनिक गरेका दुबै स्मार्टफोनहरुमा रिभर्स चार्जिंग सुविधा राखिएको छ,जसले ब्याट्री ब्याकअपको रुपमा अन्य डिभाइसहरु चार्ज गर्न सकिन्छ । यी दुबै फोनहरुमा ३.५ एमएमको अडियो ज्याक पनि हटाईएको छ ।

दुबै स्मार्टफोनहरु हाल चीनियाँ बजारमा मात्र उपलब्ध रहेका छन भने अन्य मुलुकहरुमा कहिले सार्वजनिक हुन्छ केहि जानकारी दिईएको छैन् । यसको मूल्यको बारेमा पनि उल्लेख गरिएको छैन् ।

माध्यम

प्रकाशित: १२ श्रावण २०७३, बुधबार

Comments are closed.

Loading...