एनसेलको ‘नाईट डेटा प्याक’, ईन्टरनेटको शुल्क १० पैसा प्रति एमबी

Technology Khabar १५ असार २०७३, बुधबार

एनसेलको ‘नाईट डेटा प्याक’, ईन्टरनेटको शुल्क १० पैसा प्रति एमबी
Classic Tech
Nepal Telecom

काठमाडौं, १५ असार । मोबाईल सेवा प्रदायक कम्पनी एनसेलले आफ्ना ग्राहकका लागि ईन्टरनेट सेवा कर बाहेक १० पैसा प्रति एमबीसम्म प्रयोग गर्न सकिने गरी ‘नाईट डेटा प्याक’ ल्याएको छ ।

असार १५ गते बुधबारदेखि सुचारु हुने यो योजनामा ग्राहकले आफ्नो आवश्यकता अनुसार दैनिक, साप्ताहिक तथा मासिक नाईट डेटा प्याक खरिद गरी रातको १० बजे देखि बिहान ६ बजे सम्म अझ सुलभ दरमा डेटा सेवाको उपयोग गर्न सक्ने बताईएको छ ।

४० एमबी डेटा रहेको दैनिक नाईट डेटा प्याक ग्राहकले रु ८ मा खरिद गर्न सक्छन् । यो प्याकको समयावधि २४ घण्टा रहेको छ । साथै २५० एमबी डेटा भोल्युम भएको सातदिनसम्म मान्य हुने साप्ताहिक नाईट डेटा प्याकको मूल्य रु ४० रहेको छ भने ग्राहकले १००० एमबी डेटा भोल्युम रहेको मासिक नाईट डेटा प्याक मात्र रु १०० मा खरिद गर्न सक्छन् । अर्थात् मासिक नाइट डेटा प्याक खरिद गर्दा ग्राहकले अब मात्र १० पैसा प्रति एमबीमा ईन्टरनेट चलाउन सक्ने कम्पनीले जानकारी दिएको छ ।

ग्राहकले यी नाईट प्याकहरु एस्ट्रिक्स् १७१२३ ह्यास डायल गरेर प्राप्त जानकारी अनुसार सुचारु गर्न सक्छन् ।

“नाइट डेटा प्याकले रातको समयमा डेटा उपयोग गर्ने ग्राहकलाई विशेष लाभ प्रदान गर्ने विश्वास छ ।” एनसेलका कर्पोरेट संवाद विज्ञ मिलन शर्माले भने ।

प्याकको समयावधि रहँदै डेटा भोल्युम उपभोग भएमा ग्राहकले बाँकी अवधिको राति १० बजे देखि बिहान ६ बजे सम्म ५० पैसा प्रति एमबिका दरले डेटा सेवा प्रगोग गर्न सक्नेछन् । योजना १५ दिनसम्म संचालनमा रहने कम्पनीद्धारा जारी विज्ञप्तिमा उल्लेख छ ।

TK Viber

प्रकाशित: १५ असार २०७३, बुधबार

Comments are closed.

Loading...