Technology Khabar १८ जेष्ठ २०७३, मंगलवार
काठमाडौं ।
काठमाण्डौं, १८ जेठ । आफ्नो स्मार्टफोन ढिलो चार्ज भएर समस्या हुनेहरुलाई खुशीको खबर छ । अब स्मार्टफोन छिट्टै चार्ज हुने प्रविधिको विकास भएको छ । विभिन्न डिभाइसहरु तथा चीपसेट बनाउने कम्पनी मिडिया टेक (MediaTek) ले २० मिनेटमा नै ७० प्रतिशतसम्म चार्ज गर्ने प्रविधिको विकास गरेको छ ।
मिडिया टेकले पम्प एक्सप्रेस ३.० ( Pump Express 3.0) नामक उत्पादन सार्वजनिक गरेको छ । जसले स्मार्टफोनको ब्याट्री शुन्यबाट ७० प्रतिशतसम्म २० मिनेटभित्र चार्ज गर्दछ । कम्पनीले यसलाई अहिलेसम्मको सबैभन्दा फास्टेस्ट ब्याट्री चार्जिंग टेक्नोलोजी भनेर दाबी गरेको छ ।
कम्पनीकाअनुसार पम्प एक्सप्रेस ३.०का साथमा अन्तिम प्रयोगकर्ताले करिब ५ मिनेट मात्र स्मार्टफोन चार्ज गरेर ४ घण्टासम्म कुराकानी गर्न सक्दछ ।
यो प्रविधि मिडिया टेक हेलियो सिरिजको पी २० का साथमा डिभाइसमा सन् २०१६ को अन्त्यसम्म बजारमा आउने अपेक्षा गरिएको छ । यो भविश्यमा स्मार्टफोन चीपसेटहरुका साथमा आउनेछ भने मिडिया टेकको चीपसेट भएका स्मार्टफोनमा ग्राहकहरुको अनुरोधमा थप गर्न सकिनेछ ।
यसलाई टाइप सी यूएसबी पावर डेलिभरी मार्फत सिधा चार्ज गर्न सकिने गरि तयार पारिएको बताईएको छ ।
डिरेक्ट चार्जिंगले फोन भित्रका चार्जिंग सर्किटरीलाई बाईपास गरेर फोनलाई चार्जको अवधिमा तात्नबाट बचाउँछ । यसले एडप्टरबाट सिधै स्मार्टफोनको ब्याट्रीसम्म इलेक्ट्रिक करेन्ट प्रवाह गर्न सहयोग गर्दछ ।
यसमा बाई डिरेक्सनल कम्यूनिकेसन तथा २० प्लस सेफ्टी एण्ड डिभाइस प्रोटेक्सन सिस्टम राखिएको कम्पनीले उल्लेख गरेको छ ।
यसअघि क्वालकमको क्वीक चार्ज ३.० ओप्पो भीओओसी (Oppo VooC) मा प्रयोग गरिएको थियो जुन बजारमा त्यति धेरै चल्न सकेन् ।
प्रकाशित: १८ जेष्ठ २०७३, मंगलवार