एप्पलले आईफोनबाट १६ जीबी स्टोरेज हटाउने, आईफोन सेभेनमा न्यूनतम ३२ जीबी स्टोरेज

काठमाडौं ।

काठमाण्डौं, १८ जेठ । एप्पलले नयाँ आउने आईफोनबाट १६ जीबी स्टोरेज भर्सन हटाउने भएको छ । कम्पनीले अब आउने कुनैपनि आईफोनबाट १६ जीबी स्टोरेजलाई आईफोनको लाइनअपबाट नै हटाउने भएको हो ।

अहिले बजारमा अधिकांश स्मार्टफोन उत्पादक कम्पनीहरुले ३२ जीबी स्टोरेजलाई न्यूनतम स्टोरेजको आधार तोकेका छन् । यो आधारमा धेरै कम्पनीहरुले प्रिमियम सेटहरु बजारमा ल्याएका छन् । तर एप्पलले ३२ जीबी नराखेको भनेर सँधै प्रतिकृयाहरु आउने गर्दथे ।

एप्पलले सार्वजनिक गरेका हालसम्मका आईफोनमा १६ जीबी र ६४ जीबीको बिचमा कुनैपनि फोनहरु ल्याएको छैन् । तर अब आइफोन सेभेन (iPhone 7) मा कम्पनीले यो गुनासोलाई सम्बोधन गर्दै ३२ जीबी भर्सनको आईफोन ल्याउने भएको हो ।

आईएचएस टेक्नोलोजी इन चाइनाका बजार अनुसन्धान निर्देशक केभिन वांगले वेबोमा गरेको पोस्ट अनुसार आईफोन सेभेनमा न्यूनतम ३२ जीबी स्टोरेज तथा २ जीबीको र्याम राखिनेछ । उनले सप्लाई चेन रिसर्चको आधारमा यो जानकारी दिएका हुन् । यसअघि आईफोन सेभेन प्लस (iPhone 7 Plus) को ६४ जीबी स्टोरेजको बक्सको तस्विर सार्वजनिक भईसकेको छ ।

त्यसैगरी एप्पलले आईफोन सिक्स एस (iPhone 6S) सार्वजनिक गर्दा नै १ जीबीको र्यामबाट अपग्रेड गरेर २ जीबी र्याम राखिसकेको छ । हालै सार्वजनिक भएको आईफोन एसई (iPhone SE) मा पनि २ जीबीको र्याम राखिएको छ । त्यो आधारमा हेर्दा नयाँ आईफोनमा र्यामको विषयमा कुनै नयाँ अपग्रेड हुनेछैन् ।

माध्यम स्रोत