एप्पलको आईफोन अब भारतमा उत्पादन हुनसक्ने, फक्सकनले उत्पादन प्लान्ट लगाउँदै

Technology Khabar २८ बैशाख २०७३, मंगलवार

एप्पलको आईफोन अब भारतमा उत्पादन हुनसक्ने, फक्सकनले उत्पादन प्लान्ट लगाउँदै
Classic Tech

काठमाडौं, २८ वैशाख । एप्पलले आफ्ना विभिन्न डिभाइसहरु अब भारतमा उत्पादन गर्ने संभावना देखिएका छन् । एप्पलको डिभाइस उत्पादन गर्ने कम्पनी फक्सकनले (Foxconn) भारतमा नयाँ उत्पादन प्लान्टको लागि जग्गाको खोजीमा रहेको समाचारहरु बाहिर आएका छन् ।

एप्पलको लागि सबैभन्दा ठूलो उत्पादक कम्पनी फक्सकनले भारतको महाराष्ट्रमा राख्ने तयारी गरेको समाचार बाहिर आएको छ । रिपोर्टका अनुसार फक्सकन र भारतीय सरकारबिच सहमती करिब करिब अन्तिम तहमा पुगेको छ । उत्पादन प्लान्ट स्थापना गर्ने सहमती छिटै हुने अनुमान गरिएको छ ।

फक्सकनले भारतको महाराष्ट्रमा करिब १,२०० एकड क्षेत्रफलको जमिनमा रुची राखेको र यो जमिन महाराष्ट्रमा उपलब्ध भएको छ । यसअघि कम्पनीले भारतका विभिन्न राज्यहरुमा पनि जमिनको खोजी गरेको थियो ।

महाराष्ट्रमा लगाईने उत्पादन प्लान्ट स्पष्ट रुपमा आईफोन उत्पादनका लागि केन्द्रित गरिने बताईएको छ । यो नयाँ प्लान्ट राख्ने योजनाको लगानी करिब १० विलियन अमेरिकी डलर रहेको छ । यो सहमतिमा हस्ताक्षर भएको करिब १८ महिनामा नयाँ उत्पादन प्लान्ट संचालनमा आउनेछ ।

फक्सकनले भारतमा सन् २०२० सम्ममा १० देखि २० उत्पादन केन्द्रहरु खोल्ने अपेक्षा राखेको छ । फक्सकनले यसअघि भारतमा नोकियाका डिभाइसहरु निमार्ण गर्ने गर्दथ्यो तर नोकिया क्लाईन्टको रुपमा सन् २०१४ देखि गुमेपछि उत्पादन बन्द भयो ।

यसका अतिरिक्त एप्पपले भारतको हैदराबादमा डेभलपमेन्ट सेन्टर खोल्ने अनुमान गरिएको छ । यो कार्य यहि वर्षको अन्त्यतिर शुरु हुने र यसको लगानी २५ मिलियन अमेरिकी डलर हुने बताईएको छ, जसमा १५० जनाले रोजगारी प्राप्त गर्नेछन् ।

पछिल्ला दिनहरुमा एप्पलले भारतलाई आईफोनका लागि ठूलो संभाबित बजारको रुपमा हेर्दै आएको छ ।

यदि भारतमा एप्पलले नयाँ प्लान्ट संचालन गर्यो भने निश्चितरुपमा आईफोन भारतमा नै उत्पादन हुनेछ र ‘मेड इन इण्डिया’ स्लोगन सहित बजारमा आउनेछ । भारतीय सरकारले विदेशी लगानी भित्र्याउन अहिले ‘मेक इन इण्डिया’ अभियानअन्तरगत आकर्षित गरिरहेको छ ।

माध्यम १  माध्यम २

TK Viber

प्रकाशित: २८ बैशाख २०७३, मंगलवार

Loading...