एप्पल म्यूजिकको शुल्कमा विद्यार्थीलाई ५० प्रतिशत छुट, नेपाली विद्यार्थीले पनि फाईदा लिन सक्ने

Technology Khabar २६ बैशाख २०७३, आईतवार

एप्पल म्यूजिकको शुल्कमा विद्यार्थीलाई ५० प्रतिशत छुट, नेपाली विद्यार्थीले पनि फाईदा लिन सक्ने
Classic Tech

काठमाडौं, २६ वैशाख । एप्पल कम्पनीको एप्पल म्यूजिकले (Apple Music) आफ्ना ग्राहकहरुका लागि नयाँ अफर सार्वजनिक गरेको छ । एप्पल म्यूजिकले आफ्ना प्रतिस्पर्धिहरुसँग प्रतिस्पर्धामा उत्रन र प्रयोगकर्ताहरुको संख्या वृद्धि गर्न नयाँ योजना सार्वजनिक गरेको छ ।

एप्पल म्यूजिकले स्टूडेन्ट प्लान ल्याएको छ, जसअन्तरगत कुनैपनि कलेज वा विश्वविद्यालयमा अध्ययनरत विद्यार्थीहरुले एप्पल म्यूजिकको सर्भिसमा ५० प्रतिशत छुट प्राप्त गर्नेछन् । कम्पनीले यो योजना स्पोर्टिफाई, साउण्ड क्लाउड, टिडललगायतका प्रतिस्पर्धिहरुसँग प्रतिस्पर्धा गर्न ल्याएको हो ।

अमेरिकामा एप्पल म्यूजिकको व्यक्तिगत सदस्यता लिन अहिले ९.९९ अमेरिकी डलर तिर्नुपर्ने हुन्छ । अब यो योजनाबाट स्टूडेन्ट मेम्बरसिपअन्तर्गत केबल ४.९९ अमेरिकी डलर प्रति महिना मात्र तिरे पुग्दछ ।

यो योजना अमेरिकामा मात्र नभई अन्य मूलुकमा रहेका विद्यार्थीहरुका लागि पनि हो । एप्पल म्यूजिकको यो योजना यूके, जर्मनी, डेनमार्क, आयरल्याण्ड, अस्ट्रेलिया र न्यूजिल्याण्डमा पनि लागू हुनेछ ।

एप्पल म्यूजिकको सदस्यता शुल्क विभिन्न बजारहरुमा फरक फरक रहेको छ । यो आधारमा हेर्दा स्टूडेण्ट मेम्बरसिप पनि फरक फरक पर्नेछ तर पनि सबै बजारहरुमा स्ट्याडण्ड सब्स्क्रीप्सन प्राइसमा विद्यार्थीका लागि ५० प्रतिशत छुट दिईएको छ ।

यो मूल्य कटौती योजना सदस्यहरुका लागि ४ वर्षसम्म साइन इन गरेको अवधिबाट लागू हुनेछ भने त्यो अवधिभर विद्यार्थीले बिचमा बिदा लिएमा वा भर्ना नभएमा पनि निरन्तरता दिन पाउनेछ । त्यसैगरी यो योजना दुई वर्षसम्मको अवधि भएको मास्टर्स प्रोग्राममा भर्ना भएका विद्यार्थीले पनि उपयोग गर्न पाउने छन् ।

यो योजना हाल नयाँ तथा पुराना सदस्यहरु सबैमा लागू भएको एप्पल म्यूजिकले उल्लेख गरेको छ भने पुराना सदस्य प्रयोगकर्ताहरुले आफ्नो सदस्यता वेब बाट वा एप्पल म्यूजिक मोबाइल एप्लिकेसन फर आईओएस एण्ड एन्ड्रोयडबाट परिवर्तन गर्न सक्नेछन् ।

एप्पलले यो योजनाअन्तर्गतका सदस्यहरुको जाँच गर्न स्टूडेण्ट भेरिफिकेसन टेक्नोलोजी प्रोभाइडर यूनिडेजसँग (UNiDAYS) सहकार्य गरेको छ, जसले यो योजनामा साइनअप गरेका छन् तिनीहरुको बारेमा जाँच गर्नेछ ।

एप्पल म्यूजिकको सदस्यता शुल्क हाल प्रतिव्यक्ति ९.९९ अमेरिकी डलर प्रति महिना छ भने यसको फ्यामिली प्लानको शुल्क १४.९९ अमेरिकी डलर रहेको छ ।

यो सुविधा माथि उल्लेखित देशहरुका कलेज तथा विश्वविद्यालयमा अध्ययनरत सम्पूर्ण विद्यार्थीहरुका लागि भएको हुँदा ती देशहरुमा पढिरहेका नेपाली विद्यार्थीहरुले पनि फाईदा लिन सक्ने भएका छन् । ती देशहरुमा अध्ययनरत नेपाली विद्यार्थीहरुले पनि आफ्नो कलेज वा विश्वविद्यालयको परिचयपत्र तथा भर्नाको आधारमा एप्पल म्यूजिकको शुल्क आधा मात्र तिरे पुग्दछ ।

माथि उल्लेखित मुलुकहरुमा हजारौं नेपाली विद्यार्थीहरु विभिन्न कलेज तथा विश्वविद्यालयमा अध्ययनरत छन् ।

माध्यम   स्रोत

TK Viber

प्रकाशित: २६ बैशाख २०७३, आईतवार

Loading...