बालबालिकाका लागि शिओमीको ‘एमआई बन्नी’ स्मार्टवाच, मोबाइलमा अलर्ट पठाउन सकिने

Technology Khabar १९ बैशाख २०७३, आईतवार

बालबालिकाका लागि शिओमीको ‘एमआई बन्नी’ स्मार्टवाच, मोबाइलमा अलर्ट पठाउन सकिने
Classic Tech

काठमाडौं, १९ वैशाख । पछिल्ला दिनहरुमा विश्व बजारमा स्मार्टवाचको प्रयोग निकै हुन थालेको छ भने प्रयोगकर्ताहरुले आफ्नो चाहनाअनुसारको स्मार्टवाचको माग गर्न थालेका छन् । यहि विषयलाई ध्यानमा दिएर शिओमीले नयाँ स्मार्टवाच सार्वजनिक गरेको छ ।

शिओमीले सार्वजनिक गरेको यो स्मार्टवाच भने निकै सस्तो रहेको छ । यसको मूल्य केबल २९९ चीनियाँ यूआन अर्थात करिब ४६ अमेरिकी डलर तोकिएको छ ।

तपाईँलाई यति सस्तो स्मार्टवाच बजारमा आयो भन्दा छक्क पर्नु भयो होला वा खरिद गर्ने ईच्छा भयो होला । तर यो तपाईको लागि पूर्ण प्रविधिसहितको स्मार्टवाच भने होईन् । यो त बालबालिकाहरुको लागि बनाईएको विशेष स्मार्टवाच हो ।

शिओमीले पहिलो पटक बालबालिकालाई ध्यानमा राखेर एमआई बन्नी नामक स्मार्टवाच सार्वजनिक गरेको हो । यो डिभाइसमा कनेक्टिभिटीका लागि वाईफाई तथा ब्लूटूथ राखिएको छ भने साथमा जीपीएस ग्लोनास ट्रयाकिंग पनि समावेश छ ।13

यो स्मार्टवाचमा एसओएस बटन प्रेसिंग फीचर छ जसले यो डिभाइस भएको स्थानको जीपीएस लोकेसन तथा केहि सेकेण्डको अडियो रेकर्ड पनि साथै पठाउँछ । यो प्रयोग गर्ने बालबालिकाले केबल एउटा बटन थिचेपछि त्यस स्थानको बारेमा अभिभावकको मोबाइलमा जानकारी दिन्छ ।

बालबालिकाको लागि ल्याएको मिथू वाच पनि भनिने यो स्मार्टवाच लगाएका बालबालिका निश्चित दूरी भन्दा बाहिरको घेरामा गएमा तत्काल अलर्ट अभिभावकहरुलाई अलर्ट दिन्छ ।

यसमा भ्वाइल कल गर्न सक्ने क्षमता पनि छ जुन कम्पनीबाट नै प्रि लोडेड प्रिपेड सिम कार्डको साथमा किन्न सकिन्छ ।

शिओमीको एमआई बन्नी स्मार्टवाच एन्ड्रोयड ४.२ भर्सन भन्दा माथिको स्मार्टफोनसँग कम्प्याटिबल रहेको छ ।

एमआई बन्नी स्मार्टवाच प्लास्टिकद्धारा बनाईएको छ भने यसमा सिलिकनको फित्ता राखिएको छ । यो स्मार्टवाचमा ३०० एमएएचको ब्याट्री छ, जसले ६ दिनको स्ट्याण्डबाई दिने कम्पनीको दाबी छ ।

यो स्मार्टवार्चमा १२ जना परिवारका सदस्यहरुको नम्बर राख्न सकिन्छ भने गलत फोन कलहरुलाई रोक्न तथा जानकारी पनि हासिल गर्न सकिन्छ ।

यो एमआई बन्नी वाच लाइफ वाटरप्रुफ छ भने यसमा कल ब्याक, रिमोट मनिटरिंग, रेगुलर अलार्म क्लक, फाइण्ड वाचेज लगायतका फीचर छन् ।

बालबालिकाका लागि बनाईएको यो स्मार्टवाच हाल चीनमा मात्र उपलब्ध छ ।

माध्यम  स्रोत

TK Viber

प्रकाशित: १९ बैशाख २०७३, आईतवार

Loading...